Ýakynda Türkmenistanyň Magtymguly adyndaky Ýaşlar guramasynyň Ahal welaýatynyň Babadaýhan etrap Geňeşiniň, etrabyň beýleki jemgyýetçilik guramalarynyň bilelikde guramagynda etrap merkezindäki Toý mekanynda «Hoş geldiň Täze ýyl, Salam Täze ýyl!» ady bilen baýramçylyk dabarasy geçirildi.Täze ýyl toý saçagynyň giňden ýazylmagynda geçen dabara edara-kärhanalarda, jemgyýetçilik guramalarynda zähmet çekýän ýaşlar uly höwes bilen gatnaşyp, baýramçylyk gutlaglaryny beýan etdiler. Täze—2025-nji ýylyň her bir öýe rysgal-bereket, nur eçilmegini arzuwladylar, ýurdumyzyň ösüşleri hakda buýsanç bilen söhbet açdylar.
Aýdym-sazlar, milli öwüşginli tanslar dabaranyň şowhunyny belende göterdi. Sungat çykyşlarynyň her biri dowamly elçarpyşmalar bilen garşylandy. Ýakymly duýgulara beslenen baýramçylyk dabarasyna gatnaşanlar Gahryman Arkadagymyzyň, Arkadagly Gahryman Serdarymyzyň janlarynyň sag, başlarynyň dik bolmagyny, alyp barýan işleriniň hemişe rowaçlyklara beslenmegini arzuw etdiler.
Leýli BEGENJOWA,
TMÝG-niň Ahal welaýatynyň
Babadaýhan etrap Geňeşiniň
Guramaçylyk bölüminiň sanly
ulgam boýunça esasy hünärmeni.
