Türkmenistanyň Magtymguly adyndaky Ýaşlar guramasynyň Ahal welaýatynyň Babadaýhan etrap Geňeşiniň guramagynda Babadaýhan dokma toplumynda baýramçylyk duşuşygy geçirildi. Dokmaçy ýaşlaryň gatnaşmagynda guralan duşuşykda Täze ýyl baýramy mynasybetli gutlaglar aýdyldy, ýagşy arzuwlar edildi.
«Pähim-paýhas ummany Magtymguly Pyragy» ýylynda ýurdumyzyň ýeňil senagaty pudagynyň ösüşine Babadaýhan dokma toplumynyň agzybir işçi-hünärmenleriniň goşan saldamly goşandy, bu toplumda gazanylan üstünlikler barada söz açylyp, duşuşyga gatnaşan ýaşlara «Halkara parahatçylyk we ynanyşmak ýyly» diýlip atlandyrylan 2025-nji ýylda täze-täze zähmet ýeňişleri arzuw edildi.
Duşuşygyň ahyrynda işde tapawutlanan işçi-hünärmenlere Türkmenistanyň Magtymguly adyndaky Ýaşlar guramasynyň etrap Geňeşiniň sowgatlary gowşuryldy. Bagtyýar ýaşlar öz gezeginde türkmen halkyny eşretli günlerde, toýly Diýarda ýaşadýan Gahryman Arkadagymyzyň, Arkadagly Gahryman Serdarymyzyň adyna alkyş sözlerini aýtdylar.
Daňatar ORAZMUHAMMEDOW,
TMÝG-niň Ahal welaýatynyň Babadaýhan
etrap Geňeşiniň buhgalteri.
