Türkmenistanyň Magtymguly adyndaky Ýaşlar guramasynyň Ahal welaýat Geňeşiniň, welaýat häkimliginiň we beýleki jemgyýetçilik guramalarynyň bilelikde guramagynda Ak bugdaý etrabynyň Änew şäherindäki medeniýet öýünde hormatly Prezidentimiziň «Magtymguly — dünýäniň akyldary» atly kitabynyň tanyşdyryş dabarasy geçirilip, oňa welaýatymyzyň dürli ýerlerinden gelen ýaşlar uly höwes bilen gatnaşdylar.
Şatlyga we ruhubelentlige beslenen dabarada çykyş edenler hormatly Prezidentimiziň «Magtymguly — dünýäniň akyldary» atly kitabynyň täze ýylyň bosagasynda bagtyýar ulus-ilimiz üçin bahasyna ýetip bolmajak toý sowgadyna öwrülip, ildeşlerimiziň şatlygyny goşalandyrandygyny buýsanç bilen bellediler hem-de Arkadagly Gahryman Serdarymyzyň täze kitabynyň beýleki eserleri ýaly gymmatlydygyny, many-mazmuny babatda tapawutlanýandygyny nygtadylar.
Dabaranyň dowamynda ýaňlanan aýdym-sazlar hemmeleriň şatlygyny goşalandyryp, kalbyny joşa getirdi. Bu dabara ýakymly duýgular bilen ýatda galdy.
Maýsa MYRADOWA,
Türkmenistanyň Magtymguly adyndaky
Ýaşlar guramasynyň Ahal welaýatynyň
Ak bugdaý etrap Geňeşiniň esasy hünärmeni.
