Türkmenistanyň Söwda-senagat edarasynyň wekiliýeti Eýran Yslam Respublikasynyň günortasynda ýerleşýän Kiş adasynda 18-24 ýanwar aralygynda geçirilýän «Kish Expo 2025» halkara sergisine gatnaşýar.
Eýran Yslam Respublikasynyň Türkmenistandaky ilçihanasynyň sosial ulgamlaryndaky resmi sahypasynda habar berlişi ýaly, taýýarlyk işleri iki ýyldan gowrak wagt dowam eden bu uly çäre dünýäniň 40 ýurdundan 250-den gowrak kompaniýany özüne çekdi. Gatnaşyjylar 170 sergi diwarlygynda öz önümlerini we hyzmatlaryny görkezýärler.
Sergide nebit-gaz we nebit-himiýa senagatyny, farmasewtikany, azyk senagatyny, halk senetçiligini we syýahatçylygy öz içine alýan 16 ýöriteleşdirilen ugur boýunça önümler we harytlar görkezilýär.
Çäre GDA döwletlerinden, Russiýadan, Pars aýlagynyň, Günbatar Aziýanyň, Afrikanyň, Gündogar Ýewropanyň, Gündogar Aziýanyň we Hindi ýarym adasynyň ýurtlaryndan gelen 300-den gowrak ilçileriň, söwda geňeşçileriniň, telekeçileriň we işewürleriň ünsüni özüne çekdi.
turkmenportal.com
