Watan goragçylarynyň gününiň bosagasynda Ahal welaýatynyň Sarahs etrabynda etrap polisiýa bölüminiň polisiýanyň ýol gözegçiligi gullugynyň awtoulaglaryň tehniki ýagdaýyny anyklaýyş we hasaba alyş toparynyň täze edara binasynyň açylyp ulanylmagy berilmegi etrabymyzyň ähli ilatynyň şatlygyny goşalandyran waka öwrüldi. Bu dabara etrabymyzyň ýaşlary uly joşgun bilen gatnaşdylar.
Dabarada çykyş edenler hormatly Prezidentimiziň ýurdumyzy ählitaraplaýyn gülledip ösdürmek, halkymyzyň ýaşaýyş-durmuş derejesini ýokarlandyrmak babatda durmuşa geçirýän tutumly işleri hakda söhbet açyp, täze desganyň ähmiýetine ünsi çekdiler hem-de döwrebap binalary gurdurýan hormatly Prezidentimiziň adyna alkyş sözlerini beýan etdiler.
«Welsähet» hususy kärhanasynyň ezber elli gurluşykçylary tarapyndan gurlan döwrebap desganyň açylyş dabarasy aýdym-saz toparlarynyň çykyşlaryna utgaşdy.
Batyr NARYÝEW,
Türkmenistanyň Magtymguly adyndaky
Ýaşlar guramasynyň Ahal welaýatynyň
Sarahs etrap Geňeşiniň Guramaçylyk
bölüminiň müdiri.
