Ýakynda Türkmenistanyň Magtymguly adyndaky Ýaşlar guramasynyň Ahal welaýatynyň Bäherden etrap Geňeşiniň guramagynda etrabyň Medeniýet öýünde duşuşyk geçirildi, oňa edara-kärhanalarda we jemgyýetçilik guramalarynda zähmet çekýän ýaşlar gatnaşdylar.
«Halkara parahatçylyk we ynanyşmak ýyly» diýlip yglan edilen 2025-nji ýylyň şygaryny we şanly ýylyň nyşanynyň many-mazmunyny wagyz etmek maksady bilen geçirilen duşuşykda baý many-mazmunly çykyşlara giň orun berildi. Toýlary toýlara ulaşýan eziz Diýarymyzda gadam basylan şanly ýylda giň göwrümli çäreleriň, forumlaryň we dabaralaryň geçiriljekdigi bilen bagly aýdylanlar täsirli boldy.
Aýdym-sazly çykyşlara utgaşan duşuşykda ýurdumyzyň şan-şöhratyny arşa göteren, ulus-ilimizi röwşen geljege alyp barýan Gahryman Arkadagymyzyň, Arkadagly Gahryman Serdarymyzyň adyna alkyş sözleri aýdyldy.
Söhbet HOJAMUHAMMEDOW,
Türkmenistanyň Magtymguly adyndaky
Ýaşlar guramasynyň Ahal welaýatynyň
Bäherden etrap Geňeşiniň Guramaçylyk
bölüminiň müdiri.