Ýakynda Türkmenistanyň Magtymguly adyndaky Ýaşlar guramasynyň Ahal welaýat Geňeşiniň, «Türkmenistan» Ýaşlar bedenterbiýe-sport guramasynyň welaýat bölüminiň hem-de welaýat Baş bilim müdirliginiň bilelikde guramagynda Änew şäherindäki sport mekdebinde «Türkmenistan — ruhubelentligiň we sagdynlygyň ýurdy» atly XIV spartakiadanyň çäginde sportuň stol üstündäki tennis görnüşi boýunça ýaryşynyň welaýat tapgyry geçirildi.
Ýaryşda welaýatymyzyň ähli etraplaryndan gelen okuwçy ýaşlar stol üstündäki tennisde özara güýç synanyşdylar. Çekeleşikli ýagdaýda geçen bu ýaryşyň netijesinde Ak bugdaý etrabynyň mekdep okuwçylaryndan düzülen topar birinji, Gökdepe etrabynyň topary ikinji, Tejen etrabynyň topary üçünji orunlara mynasyp boldular. Ýeňijilere hormat hatlary hem-de ýadygärlik sowgatlar gowşuryldy.
Wepa ANNABERDIÝEW,
Türkmenistanyň Magtymguly adyndaky
Ýaşlar guramasynyň Ahal welaýat Geňeşiniň
başlygynyň orunbasary.
