Golaýda Balkan welaýatynyň Beýik Saparmyrat Türkmenbaşy adyndaky döwlet drama teatrynda Balkan welaýat häkimliginiň Türkmenistanyň Magtymguly adyndaky Ýaşlar guramasynyň Balkan welaýat Geňeşi bilen bilelikde guramagynda Halkara zenanlar güni mynasybetli mekdep okuwçy gyzjagazlaryň arasynda «Biz parahat ýurduň bagtly geljegi» ady bilen aýdym-sazly baýramçylyk duşuşygy geçirildi.
Baýramçylyk duşuşygyna Balkan welaýatynyň orta mekdeplerinde bilim alýan okuwçy gyzjagazlar gatnaşdylar. Çagalar sungat mekdebiniň taýýarlan aýdym-sazlary, döredijilik çykyşlary dabaranyň şowhunyna şowhun goşdy. Mähriban okuwçy gyzjagazlarymyza gül desseleri berildi.
Dabara gatnaşyjylar öz çykyşlarynda Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini beýan etdiler.
Gözel SAPARMÄMMEDOWA,
Türkmenistanyň Magtymguly adyndaky
Ýaşlar guramasynyň Balkan welaýat Geňeşiniň
Guramaçylyk bölüminiň müdiri.
