Balkan welaýatynyň “Türkmeniň ak öýi” binasynda welaýat häkimliginiň Türkmenistanyň Magtymguly adyndaky Ýaşlar guramasynyň Balkan welaýat Geňeşiniň, Balkan welaýat medeniýet müdirliginiň şeýle-de beýleki jemgyýetçilik guramalarynyň bilelikde guramagynda Halkara zenanlar güni mynasybetli aýdym-sazly baýramçylyk dabarasy geçirildi.
Dabarada medeniýet we sungat ussatlarynyň taýýarlan aýdymdyr-sazlary, döredijilik tans toparlarynyň çykyşlaryna giň orun berildi. Dabaraly çärä Balkan edara-kärhanalarda zähmet çekýän zenanlar şeýle-de kümüş saçly mährem eneler gatnaşdylar. Ýaş ýigitler olary gül desseleri bilen gutladylar.
Baýramçylygyň ahyrynda dabara gatnaşyjylar Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini aýtdylar!
Sähragül IŞANOWA,
Türkmenistanyň Magtymguly adyndaky
Ýaşlar guramasynyňBalkan welaýat Geňeşiniň
Guramaçylyk bölüminiň esasy hünärmeni.
