Türkmenistanyň Magtymguly adyndaky Ýaşlar guramasynyň Balkanabat şäher Geňeşi, «Türkmennebit» döwlet konserniniň ilkinji ýaşlar gurmasy bilen bilelikde Halkara zenanlar güni mynasybetli guramanyň işjeň gyz-gelinleriniň gatnaşmaklarynda «Zeminiň gül lälesi, mährem gözeller» atly şygar bilen aýdym-sazly baýramçylyk duşuşygy geçirildi. Balkan welaýat kitaphanasynda guralan duşuşyga dürli kärlerde zähmet çekýän işjeň gelin-gyzlar jemlenip, Berkarar döwletimiziň täze eýýamynyň Galkynyşy döwrüniň Halkara parahatçylyk we ynanyşmak ýylynda guralýan baýramçylyk çäresi mynasybetli ýürek buýsançlaryny beýan etdiler. Baýramçylyk duşuşygyň dowamynda bakylygyň gözbaşy, döwletli törleriň ýaraşygy, ar-namysyň tugy saýylýan türkmen zenanlaryna goýulýan hormat-sarpa barada hem täsirli söhbet edilip, zenanlary wasp edýän aýdym – sazlar ýaňlandy.
Aýnatäç NEDIROWA,
Türkmenistanyň Magtymguly adyndaky
Ýaşlar guramasynyň Balkan welaýatynyň
Balkanabat şäher Geňeşiniň Guramaçylyk
bölüminiň müdiri.
