Ýakynda Türkmenistanyň Magtymguly adyndaky Ýaşlar guramasynyň Ahal welaýatynyň Ak bugdaý etrap Geňeşiniň, etrap bilim we medeniýet bölümleriniň bilelikde guramagynda etrabyň Gämi oba medeniýet öýünde «Iň eýjejik gyzjagaz — 2025» atly şadyýan bäsleşigiň etrap tapgyry geçirildi.
Eýjejik gyzjagazlar bäsleşigiň şertlerine laýyklykda berkarar Watanymyzy, ajaýyp döwrümizi, bagtyýar çagalygy joşgunly aýdym-sazlary bilen wasp etdiler, milli lybaslarymyzy şahyrana sözleriň üsti bilen mahabatlandyrdylar, milli el işlerimizi ýerine ýetirmek başarnygyny görkezdiler. Turuwbaşdan täsirli geçen bäsleşikde etrabyň ýöriteleşdirilen 28-nji orta mekdebiniň okuwçysy Ajaýyp Hudaýberdiýewa baş baýraga, 5-nji orta mekdebiniň okuwçysy Gülnäz Kemalowa birinji orna mynasyp bolup, welaýat tapgyryna gatnaşmaga hukuk gazandylar. Ýeňijiler hormat hatlary we ýadygärlik sowgatlary bilen sylaglandylar. Bäsleşige gatnaşan beýleki gyzjagazlar hem höweslendirildi.
Gülälek ORANÝAZOWA,
Türkmenistanyň Magtymguly adyndaky
Ýaşlar guramasynyň Ahal welaýatynyň
Ak bugdaý etrap Geňeşiniň esasy hünärmeni.
