Ýakynda Aşgabat şäheriniň daşary ýurt dillerine ýöriteleşdirilen 80-nji orta mekdebinde Türkmenistanyň Magtymguly adyndaky Ýaşlar guramasynyň Merkezi Geňeşiniň, Türkmenistanyň Bilim ministrliginiň bilelikde guramagynda Milli bahar baýramy mynasybetli geçirilýän “Iň eýjejik gyzjagaz – 2025” atly şadyýan bäsleşigiň Berkararlyk etrap tapgyry geçirildi.
Bäsleşigiň şertleri boýunça gyzjagazlar özleriniň ukyp başarnyklaryny görkezdiler. Gyzgalaňly geçen bäsleşikde 1-nji orna Aşgabat şäherindäki 33-nji orta mekdebiniň 3-nji synp okuwçysy Ogultagan Nuryşowa, 2-nji orna Aşgabat şäherindäki daşary ýurt dillerine ýöriteleşdirilen 80-nji orta mekdebiniň 4-nji synp okuwçysy Zyýada Kömekowa, 3-nji orna Aşgabat şäherindäki daşary ýurt dillerine ýöriteleşdirilen 133-nji orta mekdebiniň 3-nji synp okuwçysy Bägül Kirtowa hem-de Aşgabat şäherindäki daşary ýurt dillerine ýöriteleşdirilen 134-nji orta mekdebiniň 4-nji synp okuwçysy Aýkäbe Jumamyradowa dagylar mynasyp boldular. 1-2-nji orna mynasyp bolan eýjejik gyzjagazlar bäsleşigiň şäher tapgyryna gatnaşmaga hukuk gazandylar.
Ýeňiji bolanlara we bäsleşige gatnaşanlaryň ählisine Türkmenistanyň Magtymguly adyndaky Ýaşlar guramasynyň Aşgabat şäheriniň Berkararlyk etrap Geňeşi tarapyndan Hormat hatlary we ýadygärlik sowgatlary dabaraly ýagdaýda gowşuryldy.
Aýgül MELÄÝEWA,
Türkmenistanyň Magtymguly adyndaky
Ýaşlar guramasynyň Aşgabat şäheriniň
Berkararlyk etrap Geňeşiniň uly buhgalteri.
