Hormatly Prezidentimiz Serdar Berdimuhamedowyň «Halkara zenanlar güni mynasybetli ýurdumyzyň aýal-gyzlaryna pul sowgatlaryny bermek hakyndaky» Buýrugyndan gelip çykýan wezipelerden ugur alnyp, Änew şäherindäki Milli «Ak bugdaý» muzeýinde talyp gelin-gyzlara Arkadagly Gahryman Serdarymyzyň adyndan 60 manat möçberindäki pul sowgatlaryny gowşurmak dabarasy geçirildi.
Türkmenistanyň Magtymguly adyndaky Ýaşlar guramasynyň Ahal welaýat Geňeşiniň, welaýat Baş bilim müdirliginiň, welaýat häkimliginiň bilelikde guramagynda geçen dabarada çykyş edenler talyp ýaşlary Halkara zenanlar güni mynasybetli tüýs ýürekden gutlap, ýagşy arzuwlaryny beýan etdiler, olara döwlet Baştutanymyzyň pul sowgatlaryny, şeýle-de gül çemenlerini gowşurdylar.
Talyp gelin-gyzlar öz gezeginde zenanlara belent sarpa goýýan, bilim almaga, hünär öwrenmäge ajaýyp şertleri döredýän hormatly Prezidentimiziň adyna alkyş sözlerini aýtdylar.
Wepa ANNABERDIÝEW,
Türkmenistanyň Magtymguly adyndaky
Ýaşlar guramasynyň Ahal welaýat Geňeşiniň
başlygynyň orunbasary.
