Türkmenistanyň Magtymguly adyndaky Ýaşlar guramasynyň Ahal welaýatynyň Sarahs etrap Geňeşi we etrabyň beýleki jemgyýetçilik guramalary bilen bilelike guramagynda etrabyň «Bagt» toý mekanynda geçirilen aýdym-sazly baýramçylyk dabarasy «Halkara parahatçylyk we ynanyşmak» ýylynda Halkara zenanlar gününiň şatlyk-şowhuna beslenýändigini aýdyňlygy bilen subut etdi.
Etrabyň köp sanly ýaşlary bilen bir hatarda, edara-kärhanalarda zähmet çekýän zenanlaryň we kümüş saçly eneleriň gatnaşmagynda geçirilen dabarada etrabymyzyň medeniýet we sungat ussatlarynyň aýdym-sazly çykyşlaryna giň orun berildi. Meşhur aýdymçy-sazandalaryň, adygan tans-halk döredijilik toparlarynyň, sahna ussatlarynyň çykyşlary joşgunly zenan waspyna öwrüldi.
Baýramçylyk dabarasyna gatnaşanlar zenan sarpasyny belende göteren hormatly Prezidentimiziň we Gahryman Arkadagymyzyň adyna alkyş sözlerini aýtdylar.
Laçyn BAZAROWA,
Türkmenistanyň Magtymguly adyndaky
Ýaşlar guramasynyň Ahal welaýatynyň
Sarahs etrap Geňeşiniň Guramaçylyk
bölüminiň esasy hünärmeni.
