Türkmenistanyň Magtymguly adyndaky Ýaşlar guramasynyň Aşgabat şäheriniň Berkararlyk etrap Geňeşi hem-de Aşgabat şäheriniň Berkararlyk etrap häkimliginiň bilelikde guramagynda Aşgabat şäherindäki syýahatçylyk orta hünär okuw mekdebinde bilim alýan talyp ýaşlaryň arasynda wagyz-nesihat çäresi geçirildi.
Çärede çykyş edenler adamlar ýaşlaryň arasynda sagdyn durmuş ýörelgeleriniň we kadalaryny berjaý edilişi, zyýanly endikleriniň, şol sanda temmäki önümlerinden daşda durmak, adamyň sagdyn ösüp kemala gelmegine ýaramaz endiklerden daşda durmakda, jemgyýetçilik ýerlerinde tertip-düzgüni berjaý etmek barada söhbet edildi.
Soňra oňa gatnaşanlar Berkarar döwletiň täze eýýamynyň Galkynşy döwründe ýaşlary terbiýelemekde, zehinli ýaşlary ýüze çykarmakda,ýaşlaryň arasynda wagyz-nesihat işlerini geçirmekde ähli mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli alyp barýan işleriniň hemişe rowaçlyklara beslenmegini arzuw etdiler.
Ogulgurban SAPARDURDYÝEWA,
Türkmenistanyň Magtymguly adyndaky
Ýaşlar guramasynyň Aşgabat şäheriniň
Berkararlyk etrap Geňeşiniň
guramaçylyk bölüminiň
baş hünärmeni.
