Ýakynda Lebap welaýatynyň Seýitnazar Seýdi adyndaky Döwlet sazly drama teatrynda Türkmenistanyň Magtymguly adyndaky Ýaşlar guramasynyň Merkezi we Lebap welaýat Geňeşleriniň guramagyndan Lebap welaýat maliýe ykdysady orta hünär okuw mekdebiniň talyp ýaşlarynyň gatnaşmagynda «Parahatçylyk – hoşniýetliligiň ýoly» atly brifing duşuşygy geçirildi. Brifinge Lebap welaýat häkimliginiň baş hünärmeni, Türkmenistanyň Mejlisiniň deputaty Aman Hezziýew Türkmenistanyň Magtymguly adyndaky Ýaşlar guramasynyň Merkezi Geňeşiniň guramaçylyk bölüminiň müdiri Gurbanmyrat Muhammedow, Türkmenabat şäheriniň ýöriteleşdirilen 41-nji orta mekdebiniň mugallymy Merdan Haýitow Türkmenistanyň Magtymguly adyndaky Ýaşlar guramasynyň Lebap welaýat Geňeşiniň guramaçylyk bölüminiň esasy hünärmeni Aýjahan Mollaýewa, Seýitnazar Seýdi adyndaky Türkmen döwlet mugallymçylyk institutynyň türkmen dili we ony okatmagyň usulyýeti kafedrasynyň mugallymy Garlyýewa Aýgözel, Lebap welaýat kitaphanasynyň kitaphanaçysy, ilkinji ýaşlar guramasynyň işjeň agzasy Amangözel Tagandurdyýewa dagylar gatnaşdylar.
Duşuşygyň ahyrynda oňa gatnaşanlar Garaşsyz, Baky Bitarap ýurdumyzyň abraýyny belende göterýän Gahryman Arkadagymyzyň, Arkadagly Gahryman Serdarymyzyň janlarynyň sag ömürleriniň uzak bolmagyny, il-ýurt bähbitli tutýan tutumly işleriniň hemişe rowaçlyklara beslenmegini arzuw etdiler.
.jpg)
(1).jpg)
Aýjahan MOLLAÝEWA,
Türkmenistanyň Magtymguly adyndaky
Ýaşlar guramasynyň Lebap welaýat Geňeşiniň
guramaçylyk bölüminiň esasy hünärmeni.
