Ýaňy-ýakynda Lebap welaýatynyň Darganata etrabynyň Medeniýet öýünde Türkmenistanyň Magtymguly adyndaky Ýaşlar guramasynyň Lebap welaýatynyň Darganata etrap Geňeşi, Darganata etrabynyň bilim bölümi bilen bilelikde guramagynda Darganata etrabynyň orta mekdepleriniň 10-12-njy synplarynda okaýan okuwçy oglan-gyzlarynyň arasynda “Sözi paýhas bezär, sazy-sungat” atly aýdym-sazly bäsleşiginiň etrap tapgyry geçirildi. Bäsleşikde okuwçy oglan-gyzlar, Berkarar döwletiň täze eýýamynyň Galkynyşy döwründe medeniýet, sungat halkyň ruhy dünýäsini gözelleşdirýär. Parahatçylygy we ynsanperwerligi, dostlugy hem-de hoşniýetliligi ýörelge edinen halkymyz saz gurallarynyň üsti bilen ylhama ýugrulan aýdym-sazlarymyz ynsana sarpa goýmagy ündeýär, bagtyýar durmuşda ýaşamagyň ýoluny salgy berýär, Watana, halka beýik buýsanjy artdyryp, nesilleriň watansöýüjiligiň we ynsanperwerligiň belent ruhunda terbiýelenmegine ýardam berýär.
Bäsleşige Türkmenistanyň Magtymguly adyndaky Ýaşlar Guramasynyň Lebap welaýatynyň Darganata etrap Geňeşiniň başlygynyň w.w.ý.ý Bagtyýarowa Firuza, Türkmenistanyň Magtymguly adyndaky Ýaşlar Guramasynyň Lebap welaýatynyň Darganata Geňeşiniň guramaçylyk bölüminiň baş hünärmeni Allaberdiýewa Ýolly, Darganata etrabynyň Medeniýet öýüniň aýdymçysy Joraýewa Elmira, Çagalar Sungat mekdebiniň bagşy mugallymy Oraz Orazow, Darganata etrabynyň 5-nji orta mekdebiniň aýdym-saz mugallymy Ahmet Bagtyýarow eminlik etdiler. Bäsleşige mekdebara tapgyrynda ýeňiji bolan mekdep okuwçylaryň jemi 16 sany okuwçy gatnaşdy.
I orna Darganata etrabynyň 13-nji orta mekdebiniň 10-njy “B” synp okuwçysy Rahmedow Mukam.
II orna Darganata etrabynyň 3-nji orta mekdebiniň 11-nji “A” synp okuwçysy Aýmyradow Serdar.
III orna Darganata etrabynyň 12-nji orta mekdebiniň 12-nji “Ç” okuwçysy Kakaýewa Arzuw dagylar etrap tapgyrynda ýeňiji boldular.
Bäsleşige gatnaşyjylaryň ählisi höweslendiriji sowgatlar bilen sylaglandyryldy. Bäsleşikde ýeňiş gazanan okuwçylara Türkmenistanyň Magtymguly adyndaky Ýaşlar guramasynyň Lebap welaýatynyň Darganata etrap Geňeşi tarapyndan ýadygärlik sowgatlary hem-de hormat hatlary gowşuryldy.
Ýolly ALLABERDIÝEWA,
Türkmenistanyñ Magtymguly adyndaky
Ýaşlar guramasynyň Lebap welaýatynyň
Darganata etrap Geňeşiniň guramaçylyk
bölüminiň esasy hünärmeni.
