Türkmenistanyň Magtymguly adyndaky Ýaşlar guramasynyň Ahal welaýat Geňeşiniň, welaýat Baş bilim müdirliginiň we beýleki jemgyýetçilik guramalarynyň bilelikdäki tagallalary netijesinde umumybilim berýän mekdeplerde «Soňky jaň» dabaralary ýokary guramaçylyk derejesinde geçirildi.
Welaýatymyzyň göreldeli mekdep uçurymlary baýramçylyk gününiň ir säherinde Gökdepe etrabynyň Yzgant şäherçesinde ýerleşýän Berdimuhamet Annaýew adyndaky ýöriteleşdirilen 27-nji orta mekdepde bolup, Gahryman Arkadagymyzyň atasy, hormatly Prezidentimiziň garry atasy Berdimuhamet aganyň nurana ýadygärligine gül goýmak çäresine gatnaşdylar.
«Soňky jaň» dabarasy Ak bugdaý etrabynyň Änew şäherinde ýerleşýän Mukaddeslik meýdançasynda ýaýbaňlandyryldy. Onda ýurdumyzyň orta mekdepleriniň uçurymlaryna, mugallymlaryna we ähli bilim işgärlerine hormatly Prezidentimiziň ýazan Gutlagy okaldy. Dabarada çykyş edenler orta mekdebi tamamlaýan uçurym ýaşlary ajaýyp waka mynasybetli gutladylar hem-de durmuşda ak ýol arzuw etdiler.
Dabarada çykyş edenler joşgunly mukamlardyr şirin aýdymlarda Watanymyzyň ösüşleriniň, halkymyzyň eşretli, bolelin ýaşaýşynyň, bagtly ýaşlygyň, dost-doganlygyň waspy belentden ýetirdiler. Okuw ýylyny oňat bahalar bilen jemlän okuwçy ýaşlara hormatly Prezidentimiziň adyndan gymmat bahaly sowgatlar gowşuryldy.
Jeýhun SAPARGULYÝEW,
Türkmenistanyň Magtymguly adyndaky
Ýaşlar guramasynyň Ahal welaýatynyň
Ak bugdaý etrap Geňeşiniň başlygy.
