Ýakynda Türkmenistanyň Magtymguly adyndaky Ýaşlar guramasynyň Ahal welaýatynyň Ak bugdaý etrap Geňeşiniň, etrap häkimliginiň, etrabyň beýleki jemgyýetçilik guramalarynyň, welaýat Baş bilim müdirliginiň bilelikde guramagynda Änew şäherindäki «Bagt ýyldyzy» toý mekanynda bagtyýar çagalaryň gatnaşmagynda «Ýaňlansyn elmydama çaga gülküsi» ady bilen aýdym-sazly dabara geçirildi.
Çagalary goramagyň halkara gününe bagyşlanan dabarada çagalar döredijilik toparlarynyň çykyşlary bezedi. Ak bugdaý etrabynyň Gämi obasynyň «Gülle, ýaşlyk!» çagalar tans toparynyň, N.Saryýew adyndaky welaýat Çagalar sungat mekdebiniň aýdym-saz toparlarynyň çykyşlarynda eziz Diýarymyzyň, ajaýyp döwrümiziň, bagtyýar çagalygyň waspy belentden ýetirildi.
Baýramçylyk dabarasynda gutlag sözleri bilen çykyş edenler Gahryman Arkadagymyzyň, Arkadagly Gahryman Serdarymyzyň çagalar hakdaky bimöçber aladalaryna alkyş sözlerini aýtdylar. Dabaranyň ahyrynda çagalara baýramçylyk sowgatlary gowşuryldy. Bu bolsa, bagtyýar çagalaryň toý şatlygyny goşalandyrdy.
Ogulbäbek MYRATNAZAROWA,
Türkmenistanyň Magtymguly adyndaky
Ýaşlar guramasynyň Ahal welaýatynyň
Ak bugdaý etrap Geňeşiniň esasy hünärmeni.
