Ýakynda Türkmenistanyň Magtymguly adyndaky Ýaşlar guramasynyň Ahal welaýat Geňeşiniň we beýleki jemgyýetçilik guramalarynyň hem-de welaýat Baş bilim müdirliginiň bilelikde guramagynda Änew şäherindäki «Buýsanç» çagalar medeni-dynç alyş seýilgähinde bagtyýar çagalaryň gatnaşmagynda aýdym-sazly dabara geçirildi.
Çagalary goramagyň halkara güni mynasybetli geçirilen dabara şatlyk-şowhuna, egsilmez ruhubelentlige beslendi. Çagalar döredijilik toparlarynyň aýdym-sazly çykyşlarynda eziz Diýarymyzyň, ajaýyp döwrümiziň, asuda asmanymyzyň, parahat durmuşymyzyň, bagtyýar çagalygyň waspy belentden ýetirildi. Joşgunly çykyşlar astynda bagtdan paýly çagalar ýaşajyk türgenleriň sportuň dürli görnüşleri boýunça görkezme çykyşlary geçirildi.
Turuwbaşdan täsirli we ýakymly duýgulara beslenen dabaranyň dowamynda oňa gatnaşan bagtyýar çagalaryň ählisine welaýatyň jemgyýetçilik guramalary tarapyndan buzgaýmagyň paýlanmagy olaryň şatlygyna şatlyk goşdy.
Güljemal ATDAÝEWA,
Türkmenistanyň Magtymguly adyndaky
Ýaşlar guramasynyň Ahal welaýat
Geňeşiniň hünärmeni.
