Ýakynda Ahal welaýatynyň Sarahs etrabynyň merkezi seýilgähinde Türkmenistanyň Magtymguly adyndaky Ýaşlar guramasynyň etrap Geňeşiniň, etrap bilim bölüminiň bilelikde guramagynda «Berkarar döwletiň bagtyýar çagalary» ady bilen dabara geçirildi.
Çagalar baglarynyň körpeleriniň gatnaşmaklarynda geçirilen dabarada etrabyň çagalar we ýetginjekler öýüniň aýdym-saz gurnagynyň agzalarynyň bilelikde ýerine ýetirmegindäki aýdym-sazlary örän ýakymly täsirleri döretdi.
Bu ýerdäki şadyýan çykyşlarda gözel Diýarymyz, eşretli durmuşymyz, bagtyýar çagalyk belent heňlerde wasp edildi. Dabaranyň ahyrynda çykyş eden körpelere etrabyň jemgyýetçilik guramalarynyň adyndan ýadygärlik sowgatlary gowşuryldy.
Döwran NOWRUZOW,
Türkmenistanyň Magtymguly adyndaky
Ýaşlar guramasynyň Ahal welaýatynyň
Sarahs etrap Geňeşiniň başlygy.
