Golaýda, Türkmenistanyň Magtymguly adyndaky Ýaşlar guramasynyň Esenguly etrap Geňeşi, etrabyň jemgyýetçilik guramalary bilen bilelikde Esenguly etrap hassahanasynda zähmet çekýän ýaşlaryň arasynda «Maşgala mukaddesligi–mertebe mekdebi» ady bilen wagyz–nesihat duşuşygyny geçirdi.
Çäräde çykyş edenler maşgalany ynsan durmuşynyň gözbaşy hasaplanýandygy aýratyn belläp, maşgalanyň agzybirligi, jebisligi, jemgyýetiň ösüşine öz täsirini ýetirýändigini, türkmençilikde maşgala bitewiligini ähli zatdan belentde tutulýandygyny, agzybir maşgalany döwletli hasaplaýandygyny aýtdylar. Duşuşygyň ahyrynda oňa gatnaşanlar, maşgala mukaddesligine belent sarpa goýýan hormatly Prezidentimize çäksiz hoşallyk bildirdiler.
Alfiýa ŞEMMIÝEWA,
Türkmenistanyň Magtymguly adyndaky
Ýaşlar guramasynyň Balkan welaýatynyň
Esenguly etrap Geňeşiniň sanly ulgam
boýunça esasy hünärmeni.
