Ýaňy ýakynda Türkmenistanyň Magtymguly adyndaky Ýaşlar guramasynyň Lebap welaýatynyň Saýat etrap Geňeşiniň guramagynda Saýat etrabynyň Garabekewül şäher Medeniýet öýüniň kitaphanasynda kitaphana işgärleriniň gatnaşmagynda “Halkara parahatçylyk we ynanyşmak” ýylynyň 4-8-nji awgustynda Awaza milli syýahatçylyk zolagynda geçirilen Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatynyň taryhy ähmiýetini wagyz etmek maksady bilen «Awaza halklaryň köňül köprüsi» ady bilen söhbetdeşlik duşuşygy geçirildi.
Duşuşygyň dowamynda şu ýylyň esasy wakalarynyň biri bolan ýatda galyjy pursatlara beslenen “Awaza” milli syýahatçylyk zolagynda geçirilen forumyň ýokary derejede guralyp, deňze çykalgasy bolmadyk ösüp barýan ýurtlaryň geografik ýerleşişiniň dünýäniň beýleki ýurtlary bilen ykdysady gatnaşyklaryna täsir edýändigi hakynda giňişleýin gürrüň etdiler. Şeýle-de Türkmenistanyň öňe sürýän başlangyçlarynyň dünýä ýüzünde giň goldaw tapýandygy aýratyn nygtaldy.
Söhbetdeşligiň ahyrynda oňa gatnaşanlar ýurdumyzyň halkara abraýyny belende galdyrmakda beýik işleri amala aşyrýan Gahryman Arkadagymyzyň, Arkadagly Gahryman Serdarymyzyň adyna alkyş sözlerini aýtdylar.
Jahan KADYROWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Saýat etrap Geňeşiniň Guramaçylyk
bölüminiň esasy hünärmeni.
