Golaýda Mary welaýatynyň Tagtabazar etrabynyň 10-njy çagalar bakja-bagynda Türkmenistanyň Magtymguly adyndaky Ýaşlar guramasynyň Mary welaýatynyň Tagtabazar etrap Geňeşiniň guramagynda körpeleriň arasynda “Sport – sagdynlygyň sakasy” ady bilen sport ýaryşy geçirildi.
Ýaş nesilleriň wagtlaryny gyzykly hem-de şadyýan geçirmegini gazanmak maksady bilen geçirilen bäsleşikde çagalar “Şatlyk” we “Şowhun” atly toparlara bölünip, özara bäsleşdiler. Bäsleşik diýseň gyzgalaňly geçdi. Netijede ýeňiji bolan topara Türkmenistanyň Magtymguly adyndaky Ýaşlar guramasynyň Mary welaýatynyň Tagtabazar etrap Geňeşi tarapyndan ýadygärlik sowgatlary gowşuryldy.
Sport ýaryşynyň ahyrynda oňa gatnaşan bagtyýar çagalar özleri üçin giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň adyna alkyşly sözleri beýan etdiler.
Aýjennet HYDYROWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Tagtabazar etrap Geňeşiniň Guramaçylyk
bölüminiň sanly ulgam boýunça esasy hünärmeni.
