Dutar saz guraly halkymyzyň ruhy gymmatlyklarynyň hataryndan orun aldy. Dutaryň hoş owazy bilen ynsan kalbyna ýalkym saçmagynda Babagammar, Aşyk Aýdyň pir ýaly ussatlaryň asylly ýörelgeleri nesillerden-nesillere geçip, häzirki döwürde täze röwüşde şöhratlanýar. Gadymy Daşoguz topragy dutarçy bagşy-sazandalaryň mekany bolmak bilen, bu inçe senediň we sungatyň asyrlaryň dowamynda kämilleşip, döwrebap derejelere eýe bolmagy üçin yhlasyny gaýgyrmadyk halypalaryň ýaşap geçen mekanydyr. Halkymyzyň saza, söze goýýan hormaty hemme döwürde-de yzygiderli artdyrylyp gelnipdir. “Dutar ýasamak senetçiliginiň, dutarda saz çalmak we bagşyçylyk sungatynyň” ÝUNESKO-nyň Adamzadyň maddy däl medeni mirasynyň sanawyna goşulmagy müdimi senedimize we sungatymyza dünýäde uly hormat-sarpa goýulýandygynyň aýdyň subutnamasy boldy.
Selbi TÄJIMYRADOWA,
Daşoguz welaýatynyň Görogly etrabynyň
daşary ýurt dillerine ýöriteleşdirilen
65-nji orta mekdebiniň 12-nji synp okuwçysy,
Türkmenistanyň Magtymguly adyndaky Ýaşlar
guramasynyň işjeň agzasy.
