Türkmenistanyň Magtymguly adyndaky Ýaşlar guramasynyň Bereket etrap Geňeşiniň etrabyň beýleki jemgyýetçilik guramalary bilen bilelikde guramagynda etrabyň çeper halyçylyk kärhanasynda zähmet çekýän ýaşlaryň gatnaşmagynda «Halk Maslahaty - halkymyzyň röwşen geljegi» ady bilen wagyz-nesihat duşuşygy geçirildi.
Duşuşygyň dowamynda çykyş edenler Garaşsyz, baky Bitarap Türkmenistan döwletimiziň ikitaraplaýyn we köptaraplaýyn görnüşde dünýäniň döwletleri, abraýly halkara guramalary bilen netijeli hyzmatdaşlyga ygrarlydygy barada, şeýle hem Garaşsyzlygyň ilkinji günlerinden başlap ýurdumyzyň milli döwlet gurluşynyň binýadyny berkitmek maksady bilen türkmen halkyna mahsus bolan demokratik ýörelgelere esaslanýan milli ösüş ýoluny saýlap alandygy, Halk maslahatynyň halkymyz we jemgyýetimiz üçin ähmiýetli taryhy waka bolup durýandygy barada gürrüň berdiler.
Duşuşygyň ahyrynda oňa gatnaşanlar türkmen halkynyň eşretli, parahat durmuşda ýaşamagy ugrunda beýik işleri durmuşa geçirýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adyna alkyş sözlerini beýan etdiler.
Döwrandurdy ORAZDURDYÝEW,
Türkmenistanyň Magtymguly adyndaky Ýaşlar guramasynyň
Balkan welaýatynyň Bereket etrap Geňeşiniň başlygy.
