HOŞNIÝETLILIGIŇ WE PÄKLIGIŇ BAÝRAMY

Mu­sul­man dün­ýä­si­niň esa­sy baýram­çy­lyk­la­ry­nyň bi­ri bo­lan Gur­ban baý­ra­my my­na­sy­bet­li ýur­du­myz­da toý sa­çak­la­ry giň­den ýa­zylyp, onuň da­ba­ra­sy ulu­dan tu­tul­ýar. Ol Hijri-kamary ýyl ha­sa­by bo­ýun­ça Oraza tut­mak yba­da­ty ta­mam­la­nan­dan soň 71-nji gü­nün­de baş­la­ýar hem-de Mek­ge we Me­di­nä haj zy­ýa­ra­ty­nyň ta­mam­lanma­gy bi­len ga­bat gel­ýär.

Türk­men top­ra­gyn­da ga­dym­dan bäri aý­ra­tyn sar­pa­lan­ýan bu mu­kad­des baý­ram­çy­ly­gyň mil­li se­ne­na­ma­my­zyň äh­mi­ýet­li se­ne­le­ri­niň sa­na­wy­na gi­ri­zilme­gi bi­len, ata-ba­ba­la­ry­my­zyň aja­ýyp däp­le­ri­ni do­wam ed­ýän hal­ky­myz Gurban baý­ra­my­ny giň­den we şat­lyk­ly belle­ýär. Hal­ky­my­zyň mil­li yn­san­per­werlik ýö­rel­ge­le­ri­ne ga­bat gel­ýän bu aja­ýyp baý­ram­çy­lyk yn­sa­ny­ýe­ti hoş­ni­ýet­li­li­ge we päk ýü­rek­li­li­ge ça­gyr­ýar, pa­ra­hatçy­ly­gy, dost­lu­gy da­ba­ra­lan­dyr­ýar. Şol gün­ler­de Türk­me­nis­ta­nyň şä­her­le­ri­niň we oba­la­ry­nyň met­jit­le­ri has-da köp adam­ly bol­ýar.

Hor­mat­ly Pre­zi­den­ti­mi­ziň mil­le­tiň ru­huny gal­kyn­dyr­mak, türk­men­le­riň ga­dy­my däp­le­ri­ni di­kelt­mek ba­ra­da­ky ala­da­la­ry neti­je­sin­de, ýur­du­myz­da adam­la­ryň ata-baba­la­ry­my­zyň däp­le­ri­ne eýe­rip, mu­kad­des borç­la­ry­ny ýe­ri­ne ýe­ti­rip bil­me­gi üçin hemme şert­ler dö­re­dil­ýär. Ine, şu gün­ler wa­tandaş­la­ry­my­zyň 160-sy haj zy­ýa­ra­ty­ny ama­la aşyr­ýar­lar.

Ýur­du­my­zyň şä­her­le­rin­de we oba­laryn­da bu aja­ýyp baý­ram­çy­ly­ga baý mede­ni çä­re­ler ba­gyş­lan­ýar, hem­me ýer­de aý­dym-saz­lar be­lent­den ýaň­lan­ýar. Däp bo­ýun­ça bu wa­ka my­na­sy­bet­li di­ki­len be­lent hiň­ňil­dik­le­riň ýan­la­ry köp adamly bol­ýar. Hiň­ňil­dik­de uç­mak Gur­ban baý­ra­my­nyň ta­pa­wut­ly mil­li aý­ra­tyn­lygy­dyr. Kök­le­ri asyr­la­ryň çuň­luk­la­ry­na gid­ýän bu aja­ýyp des­sur türk­men­ler­de şu gü­ne çen­li sak­la­nyp ga­lyp, mu­kad­des Gur­ban baý­ra­my­nyň toý­lan­ýan gün­lerin­de özü­niň gaý­ta­lan­ma­jak öwüş­gi­ni­ni çaý­ýar. Hiň­ňil­dik­le­riň tö­we­re­gin­de ýöri­te aý­dym-saz­ly çy­kyş­lar gur­nal­ýar. Diňe bir be­lent hiň­ňil­dik­ler, meý­dan­ça­lar we se­ýil­gäh­ler däl, eý­sem, şo­la­ra alyp bar­ýan paý­tag­ty­my­zyň giň şa­ýol­la­ryny be­ze­ýän reňk­li ýag­ty­lan­dy­ry­jy çy­ra­lar äh­lu­mu­my baý­ram­çy­ly­gyň be­lent ruhu­ny aý­dyň ýü­ze çy­kar­ýar. Aýratyn-da, ag­şa­ma­ra­lar ýaň­lan­ýan owaz­lar bi­len ut­ga­şyk­ly owa­dan öwüş­gin­ler bu ýer­lere uly akym bi­len gel­ýän adam­la­ryň ruhu­ny gö­ter­ýär. Adam­la­ryň ýü­rek­le­rin­de bol­sa öz Wa­ta­ny­na, on­da da­ba­ra­lan­ýan pa­ra­hat­çy­ly­ga we aba­dan­çy­ly­ga bo­lan buý­sanç go­şa­lan­ýar.

Şol gün­ler adam­lar ýa­kyn­la­ry­na, dostla­ry­na we goň­şu­la­ry­na myh­man­çy­ly­ga bar­ýar­lar, sa­da­ka be­rip, myh­man ka­bul ed­ýär­ler. Hem­me­le­riň di­lin­de: «Gur­banly­gy­ňyz ka­bul bol­sun!» di­ýen di­leg­ler ýaň­lan­ýar.

Türk­men hal­ky­nyň ah­lak gym­mat­lykla­ry­na ky­bap gel­ýän Gur­ban baý­ra­my Ber­ka­rar döw­le­ti­mi­ziň bag­ty­ýar­lyk döwrün­de-de bar­ly­gyň ru­hy esas­la­ry bo­lan hoş­ni­ýet­li­li­giň, päk ýü­rek­li­li­giň we ynsan­per­wer­li­giň ny­şa­ny hök­mün­de da­bara­lan­dy­ryl­ýar.

Bu baý­ram gün­le­rin­de wa­tan­daş­la­ry­myz mil­le­tiň ga­dy­my we ruhy-medeni däp­leri­ne aýaw­ly ga­ra­ýan­dy­gy üçin hor­mat­ly Pre­zi­den­ti­mi­ze tüýs ýü­rek­den al­kyş söz­leri­ni aýd­ýar­lar.

Goý, Al­la­ta­ga­la ber­len gur­ban­lyk­la­ry hem-de oka­lan aýat-dogalary ka­bul et­sin! Gur­ban­ly­gy­ňyz ka­bul bol­sun!

Gurbanmyrat MUHAMMEDOW,

TMÝG-niň Merkezi Geňeşiniň bölüm müdiri.

“Nesil” gazeti,

10.08.2019ý.