Düýn Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň hem-de Türkmenistanyň Senagatçylar we telekeçiler partiýasynyň Arkadag şäheriniň komitetiniň bilelikde guramagynda Gahryman Arkadagymyzyň döwet galamyndan syzylyp çykan täze eserleriniň – «Saglygy goraýyşda ýetilen sepgitler» kitabynyň hem-de «Türkmenistanyň dermanlyk ösümlikleri» ylmy-ensiklopedik eseriniň XVII jiltiniň ähmiýetini wagyz etmek maksady bilen «tegelek stoluň» başyndaky söhbetdeşlik geçirildi.
Arkadag şäheriniň Jemgyýetçilik guramalarynda geçirilen bu söhbetdeşlik «Saglygy goraýyşda ýetilen sepgitler: kämil ylym, beýik tejribe, ýokary netije» diýlip atlandyryldy. Söhbetdeşligi Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň bölüm müdiri Umyda Kakaýewa alyp baryp, onda Döwletmämmet Azady adyndaky Arkadag şäher kitaphanasynyň baş kitaphanaçysy Oguljemal Garabaýewa, Arkadag şäheriniň Tiz kömek merkeziniň uly şepagat uýasy, Ilkinji Ýaşlar guramasynyň başlygy, Türkmenistanyň Ýaşlar baýragynyň eýesi Şirin Tejenowa hem-de Arkadag şäheriniň Enäniň we çaganyň saglygyny goraýyş merkeziniň lukmany Baýramsoltan Gurbanowa dagy çykyş etdiler. Täsirli çykyşlarda ylymlaryň doktory, alym Arkadagymyzyň parasatly ýolbaşçylygynda saglygy goraýyş ulgamynda ýetilen beýik sepgitler dogrusynda buýsançly gürrüňler edildi.
Beýzaly ATAÝEW,
Türkmenistanyň Magtymguly adyndaky
Ýaşlar guramasynyň Arkadag şäheriniň
Geňeşiniň başlygynyň orunbasary.
