Ýakynda Berdimuhamet Annaýew adyndaky Arkadag şäher mugallymçylyk orta hünär okuw mekdebinde talyp gyzlary milli ruhda terbiýelemek, milli däp-dessurlarymyza, ene-mamalarymyzdan miras galan el işlerine söýgi döretmek, olarda ruhy-ahlak, medeni aň-bilim, beden we zähmet terbiýesini kämilleşdirmek maksady bilen wagyz-nesihat çäresi geçirildi.
.jpg)
Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň hem-de Berdimuhamet Annaýew adyndaky Arkadag şäher mugallymçylyk orta hünär okuw mekdebiniň bilelikde guramagynda geçirilen bu çäre «Milli ruhly nesiller — bagtyýar geljegiň eýeleri» diýlip atlandyryldy. Wagyz-nesihat çäresine ady agzalan orta hünär okuw mekdebinde zähmet çekýän, okap bilim alýan bagtyýar zenanlar gatnaşdylar.
Arkadagly Gahryman Serdarymyzyň parasatly ýolbaşçylygynda durmuşa geçirilýän gender deňligi syýasaty, zenan mertebesiniň mukaddesligi, nusgalyk türkmençilik ýol-ýörelgeleri, däp-dessurlary, perzent terbiýesi, taryhda zenan şahsyýetleriň bitiren hyzmatlary dogrusyndaky gürrüňler wagyz-nesihat çäresindäki çykyşlaryň özenini düzdi.
Umyda KAKAÝEWA,
Türkmenistanyň Magtymguly adyndaky Ýaşlar guramasynyň
Arkadag şäheriniň Geňeşiniň Guramaçylyk bölüminiň müdiri.
