Är ýigidiň göwnünde eýerlenen at durar.
* * *
Eýer degenini eýesi bilmez, at biler,
Aga-ininiň azanyny özleri bilmez, ýat biler.
* * *
«At alan bilen gelin alanyň kepili özümdirin» diýermiş Allatagala.
* * *
At – arryklykda, gyz – garyplykda.
* * *
At agynan ýerde toý bolar.
* * *
At alma – eýer al, aýal alma – hossar al, ýer alma –goňşy al.
* * *
At alsaň gunan al, düýe alsaň – inen.
* * *
At atyň yzyndan daljygyp ýeter,
Düýe düýäniň yzyndan – ajygyp.
* * *
At aýagy gitgir, ozan dili ötgür.
* * *
At aýagyň aşagynda agsamasyn.
* * *
At aýagyndan semrär, adam gulagyndan.
* * *
At aýlanyp, gazygyny tapar, suw aýlanyp – ýarygyny.
* * *
At aýlygyny gözlär, düýe – ýyllygyny, eşek – aýagynyň aşagyny.
* * *
At çaňyna giden geler, pil çaňyna giden gelmez.
* * *
At çapa ýüwrük, ýigit göre batyr.
* * *
At çapsa durup-durup bakylar,
Baýtal çapsa her dürli at dakylar.
* * *
At depişigine at çydar.
* * *
At dosty – ata dosty.
* * *
At eýeri bile yzzatly, gul baýary bile.
* * *
At gadyryny münen biler, ok gadyryny – atan.
* * *
At garrar – meýdan garramaz,
Ýigit garrar – heňňam garramaz.
* * *
At garrasa, höwre goýlar.
* * *
At gitdi, örküni-de äkitdi.
* * *
At gowusy – erinlek, ýigit gowusy – burunlak.
* * *
At gylygyna eýesi ýetik.
* * *
At keselini andyz açar,
Gyz keselini – gopuz.
* * *
At kimiňki – müneniňki,
Don kimiňki – geýeniňki.
* * *
At kişňeşip tanşar, adam – sözleşip.
