«Ýaş alymlar telekommunikasiýa ulgamynda» atly bäsleşik

«Ýaş alymlar telekommunikasiýa ulgamynda» atly bäsleşigi geçirmegiň

DÜZGÜNNAMASY

I. Bäsleşigiň esasy maksatlary.

Hormatly Prezidentimiziň: «TürkmenÄlem 52o E» ilkinji milli emeli aragatnaşyk hemrasy tele we radioýaýlymlarymyzyň alnyp görkezilişiniň hem-de eşitdirilişiniň hilini ýokarlandyrmaga uly itergi berer. Göni ýaýlymda wideogepleşikleri alyp barmaga, ýokary hilli internet ulgamyny, göni ýaýlymda teleokuwlary we telelukmançylyk aragatnaşygyny ýola goýmaga şert döreder» diýip bellemekligi türkmen milli aragatnaşyk hemra­sy­nyň tä­ze müm­kin­çi­lik­le­ri­ni mak­sa­da goý­ma­ga esas ber­ýän­di­gi­niň aý­dyň su­butna­ma­sy bo­lup çy­kyş ed­ýär.

Berkarar döwletimiziň bagtyýarlyk döwründe milli Liderimiziň parasatly ýolbaşçylygynda ýaşlaryň döwrebap bilim almagy, ylym bilen meşgullanmagy, sagdyn nesiller bolup ýetişmegi üçin ýurdu­myz­da äh­li şert­ler dö­re­di­lip, eziz Wata­ny­my­zy ös­dür­mek­de we mäh­ri­ban halky­my­za we­pa­ly bo­lup, joş­gun­ly zäh­met çekmekde giň mümkinçilikler açylýar.

Türk­men ýaş­la­ry­nyň hä­zir­ki za­man dün­ýä­si­niň yl­my bin­ýa­dy­ny düýp­li özleşdirip, alan bilimlerini tejribeleriň üsti bilen, dürli tehnologik enjamlar ornaşdyrylan önümçilikde peýdalanmaklary eziz Wa­ta­ny­my­zyň sy­ýa­sy, yk­dy­sa­dy we jemgyýetçilik ösüşini kepillendirer.

Ykdysadyýetiň dürli pudaklary bilen bir hatarda, aragatnaşyk ulgamynyň hem güýçli depginde ösmegi, ilatymyza hä­zir­ki za­man ýo­ka­ry hil­li in­ter­net hyzmatlarynyň elýeterli bolmagy maglu­mat­la­ryň giň ge­ri­mi­ni sel­jer­mä­ge we ara­gat­na­şy­gyň tä­ze hem yk­jam gör­nüş­lerini durmuşa ornaşdyrmaga şert döreder. Dö­re­dil­ýän bi­möç­ber şert­le­ri na­za­ra alyp, Türkmenistanyň Senagat we kommunikasiýa ministrliginiň «Türkmenaragatnaşyk» agentligi bilen Ýaş alymlar merkeziniň bilelikde guramagynda ýurdumyzyň telekommunikasiýa ulgamyny ösdürmek we ilatymyzyň internet hyzmatlaryndan peýdalanmakda mümkinçilik açmak maksady bilen «Ýaş alymlar telekommunikasiýa ul­ga­myn­da» at­ly bäs­le­şik ge­çi­ril­ýär. Şu düz­gün­na­ma bäs­le­şi­giň ge­çi­ri­liş şert­leri­ni we ter­ti­bi­ni kes­git­le­ýär.

Türkmenistanyň ilkinji «TürkmenÄlem 52o E» emeli hemrasynyň hyzmatlaryny doly güýjünde ulanmak we oýlap tapyşlaryň görnüşlerini önümçilige ornaşdyrmak, yzygiderli ulanylyşy gazanmak hem-de ýeňiji bolanlary sylaglamak arka­ly gel­jek­de tä­ze usul­la­ryň üs­tün­de işlemeklige höwes dörediler.

II. Bäsleşigiň umumy düzgünleri.

Taslamalar (oýlap tapyşlar) üçin internet ulgamynyň üsti bilen amala aşyryljak web hyz­mat­la­ry­nyň tä­ze gör­nüş­le­ri­niň, dürli kompýuterleriň we ykjam aragatnaşyk enjamlarynda ulanyljak programma üpjünçiligi (işjeň ulgamlaryň) taýýarlanylmagy hökmandyr;

Döredilen (düzülen) oýlap tapyşlarda şu görkezilen talaplaryň göz öňünde tutulyp taýýarlanylmagy möhümdir:

— Tas­la­ma­nyň wa­jyp­ly­gy, önüm­çi­li­ge ornaşdyrylmagynyň mümkinçiligi;

— Ara­gat­na­şyk we te­le­kom­mu­ni­ka­siýa ulgamynyň işini ösdürmekde innowasiýa usullarynyň peýdalanylyşy;

— Yk­dy­sa­dy taý­dan peý­da­ly­ly­gy;

— Oý­lap ta­py­şyň hi­li we dur­muş­da ulanmak ýeňilligi (rahatlygy);

— Di­zaýn taý­dan be­zel­me­gi;

Oý­lap ta­pyş­lar ka­nun­çy­ly­gyň äh­li talaplaryna laýyklykda düzülip, telekommunikasiýa ulgamynyň ösdürilmegi üçin, taslamalaryň başga döwletlerden göçürilme­gi­ne rug­sat edil­me­ýär.

III. Bäsleşige gatnaşmagyň düzgünleri.

Türkmenistanyň Ylymlar akademiýasynyň we pudaklaýyn ylmy-barlag institutlarynyň, Tehnologiýalar merkeziniň, ýo­ka­ry we or­ta (ýö­ri­te hem hü­när) okuw mekdepleriniň, ylmy-tehniki we teh­ni­ki kär­ha­na­la­ryň hem-de gu­ra­ma­laryň ministrlikleriň we pudaklaýyn-dolandyryş edaralarynyň, eýeçiliginiň we guramaçylyk-hukuk görnüşine garamazdan as­so­sia­si­ýa­la­ryň, hu­su­sy kär­ha­na­la­ryň, birleşikleriň, paýdarlar we hojalyk jemgy­ýet­le­ri­niň iş­gär­le­ri­ne hem-de yl­my iş bilen meşgullanýan, aspiranturada, dokto­ran­tu­ra­da oka­ýan ýa-da da­laş­gär bolup dur­ýan, şeý­le-de wagt­la­ýyn iş­le­me­ýän ýaş­la­ra şu bäs­le­şi­ge şah­sy we to­par­la­ýyn gör­nüş­de gat­naş­mak rug­sat edil­ýär (toparlaýyn görnüşde gatnaşýanlaryň adam sa­ny 3-den köp bol­ma­ly däl­dir we toparyň ýolbaşçysy anyk kesgitlenmelidir).

Şahsy ýa-da toparlaýyn ýagdaýda gatnaş­ýan­la­ryň äh­li­si Türk­me­nis­ta­nyň ra­ýatlarynyň 30 ýaşa çenli ýaşlary bolmalydyr. Şu bäs­le­şi­ge gat­naş­mak­ly­ga is­leg bildir­ýän­le­riň res­mi­na­ma­la­ry fi­zi­ki we ýu­ridiki şahslar tarapyndan hödürlenip bilner. Bäs­le­şi­ge gat­naş­ýan­la­ra iş ýe­rin­den, Ýaş alymlar geňeşi tarapyndan (resmi ýagdaýda döredilen bolsa) berlen hödürnama zerurdyr.

Bäs­le­şi­ge gat­naş­ýan şah­syň (to­par ýolbaşçysynyň) ýazmaça arzasy, çap edilen maglumatynyň (agzalarynyň), pasportynyň nusgalary we hödürlejek taslamalarynyň mazmunynyň bolmagy zerurdyr.

Ýuridiki şahslar tarapyndan hödürlenýän gat­na­şy­jy­nyň (to­pa­ryň we dü­zü­miniň) maglumatlary, resmi edara maglumatlary we hödürlejek taslamalarynyň mazmunynyň bolmagy zerurdyr.

Şol bir eda­ra-kär­ha­na­dan bir­nä­çe şahslaryň (toparlaryň) aýratynlykda gatnaşma­gy­na rug­sat edil­ýär, em­ma gat­na­şyjy­la­ry (to­par dü­züm­dä­ki­le­ri) gaý­ta­dan hasaba alynmaýar.

Bäs­le­şi­ge gat­naş­ýan­la­ryň res­mi­na­ma­lary 2019-njy ýy­lyň 20-nji no­ýab­ry­na çen­li Türkmenistanyň Ylymlar akademiýasynyň bi­na­lar top­lu­myn­da ýer­leş­ýän Ýaş alym­lar merkezi tarapyndan hasaba alynýar.

Bäs­le­şik Türk­me­nis­ta­nyň Söw­da-se­nagat eda­ra­sy­nyň Aş­ga­bat şä­he­ri­niň Çan­dybil şa­ýo­lu­nyň 143-nji ja­ýyn­da ýer­leş­ýän binasynda Türkmenistanyň Senagat we kommunikasiýa ministrliginiň «Türkmenaragatnaşyk» agentligi hem-de Türkmenistanyň Söwda-senagat edarasy tarapyn­dan 2019-njy ýy­lyň 27-28-nji no­ýab­ry aralygynda Telearagatnaşyk, telemetriýa, habar beriş tilsimatlarynyň we teleradioýaý­ra­dyş en­jam­la­ry­nyň «Türk­men­tel — 2019» at­ly XII hal­ka­ra ser­gi­si­niň çäk­lerin­de ge­çi­ril­ýär.

IV. Bäsleşigiň geçiriliş tertibi we guramaçylyk topary.

Bäs­le­şi­ge hö­dür­len­ýän tas­la­ma­la­ry (oýlap tapyşlary) seljermek we eminlik etmek maksady bilen, wagtlaýyn ýörite sel­je­riş to­pa­ry dö­re­dil­ýär.

Seljeriş toparynyň düzümine umumy ýolbaşçylygy Türkmenistanyň Magtymguly adyndaky Ýaşlar guramasynyň Merkezi Geňeşi we Türkmenistanyň Senagat we kommunikasiýa ministrliginiň «Türkmenaragatnaşyk» agentligi tarapyndan amala aşyrylýar we ylalaşylyp dü­zül­ýär.

Şah­sy ter­tip­de tas­la­ma­sy­ny hö­dür­län­le­riň hut öz­le­ri­niň (to­par­la­ýyn hö­dür­län­le­riň islendik topar agzalarynyň) çykyş etmekligi we özüniň taslamasyny (oýlap tapyşyny) doly işjeň ýagdaýynda görkezmegi hökman bolup, onuň tanyşdyrmak wagty 5 minut bolmaly.

Bäs­le­şi­ge gat­na­şy­jy­nyň çy­ka­ry­lan neti­je­den nä­ra­zy bo­lan ha­la­tyn­da ýolbaşçylaryň umumy ylalaşygy esasynda arz-şikaýat topary döredilip, ol topar gatnaşyjynyň taslamasyny (oýlap tapyşyň netijesini) özbaşdak seljermek arkaly gutarnykly netije çykarýar. Eger ilkinji toparyň çözgüdi hakykatdan-da kanagatlanarsyz bolsa, onda arz-şikaýat toparynyň çözgüdi gutarnykly hasaplanýar.

Bäs­le­şi­giň ge­çi­ril­ýän gün­le­rin­de ýe­kelikde gatnaşýan taslama düzüjiniň (toparla­ýyn gat­naş­ýan­la­ryň äh­li to­par ag­za­larynyň) gatnaşmadyk ýagdaýynda taslama hödürlenen işleriň sanawyndan aýrylýar we gatnaşyjy gatnaşmak hukugyny ýitirýär, şeý­le hem bäs­le­şi­giň ne­ti­je­le­ri bi­len bag­ly ge­çi­ril­jek çä­re­le­ri­ne gat­na­şy­jy­nyň özi (topardan islendik agzasynyň) gatnaşmaklygy hökmanydyr.

Bäs­le­şi­giň ýe­ňi­ji­si Türk­me­nis­ta­nyň Senagat we kommunikasiýa ministrliginiň «Türkmenaragatnaşyk» agentliginiň garama­gyn­da­ky eda­ra-kär­ha­na­la­ryň hem-de Türkmenistanyň Senagat we kommunikasiýa ministrliginiň «Türkmenaragatnaşyk» agentliginiň paýly gatnaşygyndaky jemgyýetleriň maliýe serişdeleriniň hasabyna maliýeleşdirilmegi bilen pul serişdeleri ýa-da gymmat bahaly sowgatlar, şeýle-de Hormat hatlary bilen sylaglanar.

Ýeňiş gazanan taslama (oýlap tapyş) üçin ýeňiji bolana (topara) awtorlyk hukugy göz öňünde tutulyp, Türkmenistanyň Maliýe we Ykdysadyýet ministrligi we patent edaralary tarapyndan patentleşdirilenden soňra önümçilige ornaşdyrylmagy we peýdalanylmagy ýola goýlar.

V. Bäsleşigiň geçirilişiniň beýan edilmegi.

Bäs­le­şi­giň ge­çi­ri­liş şert­le­ri­niň düz­günnamasyny köpçülikleýin habar beriş serişdeleriniň üsti bilen guramaçylyk topary tarapyndan amala aşyrylar.

Habarlaşmak üçin telefon belgileri: 94-29-03, 94-04-96, 44-88-79.

“Nesil” gazeti,

13.04.2019ý.