Aşgabat şäherindäki Aman Kekilow adyndaky mugallymçylyk mekdebi 2022-nji ýylyň 23-nji aprelinde we 7-nji maýynda sagat 14:00-da 2022-2023-nji okuw ýylynda mugallymçylyk mekdebine okuwa girmäge isleg bildirýän ýaşlary «Açyk gapylar» günlerine çagyrýar. Bu barada «Mugallymlar gazetinde» habar berilýär.
- Aman Kekilow adyndaky mugallymçylyk mekdebiniň salgysy: Aşgabat şäheriniň Görogly köçesiniň 124-nji jaýy.
- Telefon belgileri: 90-62-04; 90-63-96.
«Açyk gapylar» günlerinde ýaşlar mugallymçylyk mekdebinde taýýarlyk ugurlary, olara degişli hünärler, okuw-usuly, terbiýeçilik, medeni-köpçülik işleri hem-de okamak, ýaşamak, medeniýetli dynç almak, talyplaryň sport bilen meşgullanmaklary üçin döredilen şertler barada giňişleýin tanşyp bilerler.
