Berkarar döwletiň täze eýýamynyň Galkynyşy döwründe nurana ertirlerimiziň eýeleri boljak ýaş nesillerimiziň beden taýdan sagdyn, ruhy taýdan kämil ösmekleri, döwrebap bilim we terbiýe almaklary barada döwlet derejesinde alada edýän hormatly Prezidentimiziň ata Watanymyz Türkmenistany bagtyýar çagalygyň ýurduna öwürmek baradaky atalyk aladalary çagalaryň sapaly tomusky dynç alyş möwsüminde Awaza milli syýahatçylyk zolagynda ýerleşýän “Balkan”, “Daýanç”, “Arzuw” çagalar sagaldyş we dynç alyş merkezlerinde aýdyň duýulýar. Çagalaryň tomusky dynç alyş möwsüminiň dowam edýän günlerinde “Awaza” milli syýahatçylyk zolagyndaky sagaldyş we dynç alyş merkezlerinde köpçülikleýin şatlyk-şagalaňlar giň gerimde ýaýbaňlanyp, çagalaryň wagtlaryny gyzykly geçirmegine giň mümkinçilikler döredilýär. Toýly baýramçylykly merkezine öwrülen “Awaza” milli syýahatçylyk zolagynda ýerleşýän “Daýanç” çagalar sagaldyş we dynç alyş merkezinde Türkmenistanyň Magtymguly adyndaky Ýaşlar guramasynyň Balkan welaýat Geňeşiniň guramagynda sportuň dürli görnüşleri boýunça ýaryşlar geçirildi. “Biz bagtyýar çagalar” atly şygar astynda geçirilen ýaryşa şol ýerde dynç alyp ýören çagalar gatnaşdylar. Geçirilen bäsleşiklerde ýeňiji bolan çagalara Türkmenistanyň Magtymguly adyndaky Ýaşlar guramasynyň Balkan welaýat Geňeşi tarapyndan ýadygärlik sowgatlar gowşuryldy.
Gözel SAPARMÄMMEDOWA,
TMÝG-niň Balkan welaýat Geňeşiniň
Guramaçylyk bölüminiň müdiri.
