Türkmenistanyň Magtymguly adyndaky Ýaşlar guramasynyň Daşoguz welaýatynyň Şabat etrap Geňeşi, etrabyň medeniýet merkezinde aýdym-sazly dabaraly maslahat geçirdi. Maslahatda TMÝG-niň ýerli Geňeşiniň we etrabyň beýleki jemgyýetçilik guramalarynyň wekilleri çykyş etdiler. Olar çykyşlarynda Gahryman Arkadagymyzyň Birleşen Milletler Guramasynyň Baş Assambleýasynyň belent münberinde öňe süren başlangyçlarynyň dünýä jemgyýetçiligi tarapyndan giň goldawa eýe bolup, häzirki wagtda bolsa, Arkadagly Serdarymyz tarapyndan bu başlangyçlaryň dowam edýändigini, hormatly Prezidentimiziň ýurdumyzy halkara derejesinde täze belent sepgitlere alyp barýandygyny belläp geçdiler. Çäräniň dowamynda etrap medeniýet merkeziniň aýdym-saz ussatlarynyň çykyşlaryna orun berildi.
