2023-nji ýylyň 6-njy ýanwarynda Täze 2023-nji “Arkadag Serdarly bagtyýar ýaşlar” ýyly mynasybetli, Türkmenistanyň Magtymguly adyndaky Ýaşlar guramasynyň Lebap welaýatynyň Saýat etrap Geňeşi, etrap häkimligi bilim bölümi we jemgyýetçilik guramalarynyň gatnaşmagynda Saýat etrabynyň 39-njy orta mekdebinde okuw maslahaty geçirildi. Bu okuw maslahatynda Saýat etrap häkimliginiň orunbasary Gülşirin Joraýewna, Saýat etrap bilim bölüminiň başlygy Babahan Jepbarow, Türkmenistanyň Magtymguly adyndaky Ýaşlar guramasynyň başlygy Gülşirin Rejepowa, Ylym we bilim işgärleriniň Kärdeşler arkalaşygynyň Saýat etrap Geňeşiniň başlygy Gülnar Kömekowa, Saýat etrabynyň 20-nji orta mekdebiniň müdiri Jora Şaýimow dagylar çykyş etdiler. Bu dabaraly maslahatda köpçülik işlerine bäsleşiklere işeňňir gatnaşan ýaş mugallymlara Türkmenistanyň Magtymguly adyndaky Ýaşlar guramasy tarapyndan Hormat hatlary we ýadygärlik sowgatlary dabaraly ýagdaýda gowşuryldy. Berkarar döwletiň täze eýýamynyň galkynyşy döwründe ýaş nesle şeýle uly mümkinçilikleri döredip berýän Gahryman Arkadagymyzyň Arkadagly Serdarymyzyň jany sag bolsun, başy dik bolsun, alyp barýan tutumly işleri elmydama rowaç alsyn.
Gülşirin REJEPOWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Saýat etrap Geňeşiniň başlygy.
