Ýakynda S.A.Nyýazow adyndaky Türkmen oba hojalyk uniwersitetiniň mejlisler jaýynda döwlet we halkara derejesinde geçirilen bäsleşiklerde üstünlikli çykyş edip baýrakly orunlara mynasyp bolan talyplary sylaglamak dabarasy geçirildi. Dabarany Türkmenistanyň Magtymguly adyndaky Ýaşlar guramasynyň Merkezi we Aşgabat şäher Geňeşleri hem-de S.A.Nyýazow adyndaky Türkmen oba hojalyk uniwersiteti bilelikde guradylar.
.jpg)
Dabarada Türkmen bedewiniň Milli baýramy mynasybetli ýurdumyzda ýokary derejede guralan konkur sporty boýunça geçirilen bäsleşikde üstünlikli çykyş eden uniwersitetiň 1-nji ýyl talyby Garajaýew Serdar, Demirgazyk Makedoniýa Respublikasynyň Struga şäherinde Günorta-Gündogar ýewropa döwletleriniň uniwersitetleriň talyplarynyň arasynda geçirilen 17-nji Halkara Matematika bäsleşiginiň ýeňijisi, uniwersitetiň 1-nji ýyl talyby Umyt Gurbanow we Sapa Hojamgulyýew dagy guramaçylar tarapyndan gymmat bahaly sowgatlar bilen sylaglandylar. Talyplary gazanan üstünlikleri bilen halypalar we jemgyýetçilik guramalarynyň wekilleri gutladylar we mundan beýläk-de Watanymyzyň şan-şöhratyny belende galdyrmakda üstünlikleri arzuw etdiler.
Begmuhammet MEREDOW,
Türkmenistanyň Magtymguly adyndaky
Ýaşlar Guramasynyň Merkezi Geňeşiniň
bölüm müdiri.
