Berkarar Döwletiň täze eýýamynyň Galkynyşy döwründe Arkadag Serdarly bagtyýar Ýaşlar ýylynda Gahryman Arkadagymyzyň, Arkadagly Serdarymyzyň saýasynda biz bagtyýar Ýaşlar isleg arzuwlarymyzyň hasyl bolýan ülkesinde ýaşaýarys. Ýurdymyzyň raýatlarynyň asuda, parahat, bolelin ýaşamaklary ugrunda ähli mümkinçilikler döredilýär. 20-nji aprelinde Türkmen halkynyň Milli Lideri Gurbanguly Berdimuhamedowyň başlyklyk etmeginde geçen Halk Maslahatynyň mejlisi taryhy ähmiýetli wakalaryň biri boldy. Gahryman Arkadagymyzyň başyny başlan beýik özgertmeleriniň barha rowaçlanmagynda Türkmenistanyň Halk Maslahatynyň nobatdaky mejlisinde gelip çykýan wezipeleri iş ýüzünde ýerine ýetirmegiň ähmiýetiniň uludygy aýratyn bellemek gerek. Gahryman Arkadagymyz şol mejlisdäki çuň manyly çykyşynda ýaşlar hakda edýän aladalara aýratyn ünsi çekmegi bizde aýratyn uly ruhubelentlik döredip, netijeli, döredijilikli zähmet çekmäge we öňde goýlan wezipelere üstünlikli hötde gelmäge joşgun döretdi. Ýurdumyzda ýaşlar syýasatyny üstünlikli durmuşa geçirmegiň çäginde ýaş nesillerimiziň kämil bilim almagy, halkymyza, Watanymyza gerekli adamlar bolup ýetişmegi, sagdyn durmuş ýörelgelerine berk eýermegi ugrunda nusgalyk işler bitirilýär. Bu babatda öňde duran wezipeleriň üstünlikli amala aşmagynda Ýaşlar guramasynyň üstüne aýratyn uly jogapkärçilik düşýär. Şoňa görä-de, Ýaşlar guramasynyň işgärleri we işjeň agzalary bolup, Halk Maslahatynyň mejlisinden, Gahryman Arkadagymyzyň çuň manyly çykyşyndan gelip çykýan wezipeleri durmuşa geçirmekde, ýaşlaryň arasynda wagyz-nesihat işlerini netijeli häsiýetde alyp barmakda, döwrümize mynasyp nesilleri terbiýeläp ýetişdirmekde yhlasymyzy gaýgyrmarys. Ýurdymyzy ösüşlerden-ösüşlere alyp barýan, täze taryhy döwrümizde ulus-ilimiziň bagtyýarlygyna, eziz Watanymyzyň gülläp ösüşine gönükdirilen nusgalyk işleri durmuşa geçirýän, biz ýaşlar üçin atalyk aladalaryny edýän Gahryman Arkadagymyzyň, Arkadagly Serdarymyzyň janlary sag, ömürleri uzak bolsyn!
Aşyrberdi AÝDOGDYÝEW,
Türkmenistanyň Magtymguly adyndaky
Ýaşlar guramasynyň Ahal welaýatynyň
Tejen etrap Geňeşiniň başlygy.
