Berkarar döwletiň täze eýýamynyň Galkynyşy döwründe Hormatly Prezidentimiz Arkadagly Serdarymyz ýurdumyzyň geljegi bolan ýaşlaryň bilimli, sowatly, giň dünýägaraýyşly bolup ýetişmegi üçin uly aladalar edýär. Diýarymyzda döwrüň talaplaryna laýyk gelýän häzirki zaman kompýuter tehnologiýalary bilen enjamlaşdyrylan täze orta we ýokary okuw mekdepleriniň sany artýar. Bu bolsa sanly bilimi ösdürmekde, kämil hünärmenleri taýýarlamakda möhüm ähmiýete eýedir.
Arkadag Serdarly bagtyýar ýaşlar ýylynda ýaşlara bilim bermekde okuw sapaklarynda sanly ulgamyň mümkinçiliklerinden giňden peýdalanylýar. Munuň özi ýaşlarmyza berilýän bilimi tiz özleşdirmeklerine we kämil hünärmenler bolmaklaryna oňat täsir edýär. Esasan hem sanly ulgamyň mümkinçiliklerinden peýdalanmak geljekki ösüşlere aýdyň ýol bolýar. Geljekki ösüşlerimiz döwrüň iň kämil enjamlary, tehnologiýalary, kompýuterleri bilen berk baglanyşyklydyr. Şonuň üçin hem bu günki başy başlanýan beýik işler ösüşleriň aýdyň ýoly bolup hyzmat edýär.
Şeýle hem ylmy ýokary depginler bilen ösdürmek üçin dünýäniň abraýly ylmy-barlag institutlary bilen hyzmatdaşlyk edilýär. Mälim bolşy ýaly, her ýyl ýurdumyzda ylmy ösdürmek, alymlarymyzy goldamak, zehinli ýaşlary ylymda-bilimde we täze tehnologiýalar boýunça ähmiýetli hem-de uly işlere höweslendirmek maksady bilen ylmy bäsleşikler yzygiderli geçirilip durulýar. Ol bäsleşikler ýaş alymlaryň, talyp ýaşlaryň ylmy oýlap tapyşlara giňden çekilmegine, döretmegine, ylym bilen işjeň meşgullanmagyna, täze açyşlar etmegine giň mümkinçilikleri döredýär.
Mundan başgada Hormatly Prezidentimiz Arkadagly Serdarymyzyň taýsyz tagallalary netijesinde ýurdumyzda bedenterbiýä, sport we sagdyn durmuş ýörelgelerine bagyşlanan köpçülikleýin çäreleriň mazmuny barha baýlaşýar.
Eziz Diýarymyzda alnyp barylýan şeýle beýik işler biziň her birimizi buýsandyrýar, döredijilikli zähmet çekmäge ruhlandyrýar. Ýurdumyzda ýaşlaryň okamaklary, hünär öwrenmekleri üçin ähli şertler döredip berýän hormatly Prezidentimiz Arkadagly Serdarymyzyň jany sag bolsun, beýik işleri üstünliklere beslensin!
Leýli ÇARYGELDIÝEWA,
Türkmenistanyň Magtymguly adyndaky
Ýaşlar Guramasynyň Babadaýhan etrap
Geňeşiniň Guramaçylyk bölüminiň
sanly ulgam boýunça esasy hünärmeni.
