Gözelligi gözellikden zyýada,
Arkadag şäheri — buýsanjymyzdyr.
Gowşanyn gör, maksatlaryň myrada,
Arkadag şäheri — buýsanjymyzdyr!
Bil baglaýyp, biz bagtyýar ýaşlara,
Kalba ylham, buýsanç doldy başlara,
Ganat berdi ýürekdäki joşlara,
Arkadag şäheri — buýsanjymyzdyr!
Gurmak hem döretmek işdir sogaply,
Ýurt ösüşde bu gün dünýä kybaply,
Ýaşlarmyz bar şu Watana jogaply,
Arkadag şäheri — buýsanjymyzdyr!
«Akylly öýleri» görýäris munda,
Täsin desgalary gurýarys munda,
Ertiri parlakdyr, ýeňişler öňde,
Arkadag şäheri — buýsanjymyzdyr!
Toýly-tomaşaly, güneşli Diýar,
Arkadag Serdarly has öňe barýar,
Merdana hem dana Liderimiz bar,
Arkadag şäheri — buýsanjymyzdyr!
Mähri SAPARMEDOWA,
Daşoguz welaýatynyň Boldumsaz etrabynyň
69-njy orta mekdebiň mugallymy,
Türkmenistanyň Ýaşlar baýragynyň eýesi.
