Bu günki gün türkmen halkynyň Milli Lideri Gahryman Arkadagymyzyň we Arkadagly Serdarymyzyň daşyna jem bolup, öňde goýulýan maksatlara ýetýän agzybir türkmen halkynyň başy Gök direýär. Watanymyzyň ähli ulgamyna ýaran bolan ösüşlerde halkymyzyň nurana geljeginiň hatyrasyna alnyp barylýan beýik işleri, şanly depginleri we guwandyryjy özgertmeleri görmek bolýar.
Häzirki wagtda türkmen halky ýene bir şanly senä — mukaddes Garaşsyzlygymyzyň 32 ýyllyk baýramçylygyna uludan taýýarlyk görýär. Senenamamyzda aýratyn orun alan bu baýramçylyga taýýarlygyň çäklerindäki şatlykly günlerde etrap kitaphanamyza täze neşirleriň birnäçesiniň gelip gowuşmagy biziň baýramçylyk ruhumyzy has hem artdyrdy.
Ýurdumyzyň dünýä jemgyýetçiliginde eýeleýän mynasyp orny, abraý-mertebesi biz ýaşlaryň döwletimiziň beýik derejesine — mukaddes Garaşsyzlygymyza bolan buýsanjymyzy has hem artdyrýar. Milli Liderimiziň ýola goýan beýik özgertmeleriniň, döwletli tutumlarynyň indi Arkadagly Serdarymyz tarapyndan mynasyp dowam etdirilmegi, bedew batly ösüşlerimize şan goşýar.
Gahryman Arkadagymyzyň «Ömrümiň manysynyň dowamaty» kitabynyň we «Arkadag şäheri — geljegiň şäheri» atly täze neşiriniň, şeýle hem gündogaryň beýik söz ussady dana şahyrymyzyň doglan gününiň 300 ýyllygyna bagyşlap çap edilen «Magtymguly Pyragy dünýä danasy», «Magtymgula tagzym», «Kalplara siňen Pyragy» atly täze kitaplar bilen kitaphanamyzyň kitap gory has hem baýlaşdy. Täze kitaplar bilen tanyşlyk dabarasynda edilen çykyşlarda hem nygtalyşy ýaly, Garaşsyzlyk gözümiziň guwanjy, başymyzyň täjidir. Gahryman Arkadagymyzyň jöwher paýhasyndan syzylyp çykan kitaplarynda hem mukaddes Garaşsyzlygymyzyň aýdyň ýollary barada jaýdar jümleleri okamak mümkin. Türkmen halkyny bagtyýar zamanada ýaşadýan Gahryman Arkadagymyzyň we Arkadagly Serdarymyzyň janlarynyň sag, ömürleriniň uzak bolmagyny, il-ýurt bähbitli beýik işleriniň rowaçlyklara beslenmegini arzuw edýäris.
Şirin AGAMYRADOWA,
Lebap welaýatynyň Dänew etrabynyň
Garaşsyzlyk şäherçe kitaphanasynyň kitaphanaçysy,
TMÝG-nyň Dänew etrap Geňeşiniň işjeň agzasy.
