Arzuwlaryň baky güllän mekany,
Garaşsyz Watanym Türkmenistanym.
Ýaňlanyp dur bagtyýarlyk mukamy,
Garaşsyz Watanym Türkmenistanym!
Baksam bu gün derýa deýin joşguna,
Ala-ýazdyr göwnüm seniň hoşlugňa,
Göz aýlasam güller deýin ýaşlygňa,
Garaşsyz Watanym Türkmenistanym!
Kalbymdaky buýsanjym sen joşgunym,
Geçýär sende şatlygym hem ýaşlygym.
Buýsandyrýar bagta ýeten hoşlugym,
Garaşsyz Watanym Türkmenistanym!
Yüregimde bagt guşum sen, höwesim,
Nirä gitsem gelýär seni göresim,
Dünýä dursun, sen dur meniň geregim,
Garaşsyz Watanym Türkmenistanym!
Bahar BEGMYRADOWA,
Mary welaýatynyň Murgap etrabynyň
36-njy orta mekdebiniň 11-nji synp okuwçysy.
