Şu gün Türkmenistanyň jemgyýetçilik guramalarynyň merkezi binasynda Türkmenistanyň Bilim ministrliginiň, Türkmenistanyň Parahatçylyk gaznasynyň müdirýetiniň, Türkmenistanyň Magtymguly adyndaky Ýaşlar guramasynyň Merkezi Geňeşiniň hem-de «Güneş» žurnalynyň redaksiýasynyň bilelikde gurnamagynda surat çekmek, maket ýasamak hem-de düzme ýazmak ugurlary boýunça ýurdumyzyň umumybilim berýän orta mekdepleriniň 4-11-nji synpynda okaýan okuwçylaryň arasynda yglan edilen «Parahatçylyk: çagalaryň sesi» atly döredijilik bäsleşiginiň sylaglaýyş dabarasy boldy.
Bäsleşigiň esasy maksady ýaş nesli watançylyk, parahatçylyksöýüjilik, ynsanperwerlik ruhunda hem-de milli gymmatlyklarymyzyň esasynda terbiýelemek, ýurdumyzyň ýaşlarynyň zehinlerini ýüze çykarmak we olaryň döredijilik ukyplaryny ösdürmek, ýaşlaryň arasynda parahatçylyk, hoşniýetli goňşuçylyk gatnaşyklaryny giňden wagyz etmekdir.
Pirnazar REJEPOW,
Türkmenistanyň Telekommunikasiýalar
we informatika institutynyň talyby.
