Hindistanyň Nýu Deli şäherinde mekdep okuwçylarynyň arasynda online görnüşde geçirilen SOF iňlis dili olimpiadasynda ýurdumyzyň dürli künjeklerinde ýerleşýän orta mekdepleriniň okuwçylary gatnaşyp, birnäçe baýrakly orunlary gazanmagy başardylar.
Halkara bäsleşige iňlis dili derejelerine görä ugurlar boýunça, 7-11-nji synp aralygyndaky mekdep okuwçylary has işjeň gatnaşdylar.
Şol sanda, bu olimpiada Aşgabat şäherindäki Saparmyrat Türkmenbaşy adyndaky ýöriteleşdirilen umumybilim berýän mekdep-internatynyň okuwçylary gatnaşyp, 7-nji synplar boýunça 2 sany, 8-nji synplar boýunça 2 sany, 9-njy synplar boýunça 5 sany, 10-njy synplar boýunça 4 sany, 11-nji synplar boýunça 32 sany Grand altyn we altyn medallara mynasyp boldylar.
Belläp geçsek, halkara olimpiada Ylym Olimpiadalary Gaznasy (SOF) tarapyndan 2 tapgyrda geçirilip, her ýyl dünýädäki ýüzlerçe mekdep okuwçylaryny özünde jemleýär. Birinji tapgyrda ýokary netije gazanan gatnaşyjylaryň diňe 5%-i ikinji tapgyra geçmäge hukuk gazanýar. Bäsleşik mekdep okuwçylarynyň iňli dilini özleşdiriş derejesini artdyrmak, daşary ýurt dillerine höweslendirmek, zehinlerini ýüze çykarmak we döredijilikli pikirlenmek ukyplaryny artdyrmagy maksat edinýär.
ashgabat.in
