Aşgabatda guralan futbol festiwalynyň esasy maksady ýurdumyzda zenan futbolyny ösdürmekden hem-de ýaşajyk gyzjagazlary futbol bilen meşgullanmaga höweslendirmekden ybarat boldy.
Festiwalyň dowamynda ýörite bäsleşikler guralyp, gyzjagazlar dürli ugurda öz başarnyklaryny görkezdiler. Sport baýramçylygyna gatnaşyjylaryň ýatdan çykmajak pursatlary başdan geçirendiklerini, olara TFF-niň taýýarlan ýörite sowgatlarynyň, futbol toplarynyň gowşurylandygyny bellemek gerek.
Ýokary liganyň futbol klublarynyň ýaşlar düzümleriniň gatnaşmagyndaky futbol boýunça Türkmenistanyň birinjiliginiň üçünji tapgyrynyň duşuşyklary geçirilip, olar şeýle netije berdi: «Arkadag II» – «Nebitçi II» – 3:0 «Ahal II» – «Şagadam II» – 7:0 «Köpetdag II» – «Energetik II» – 4:1 «Aşgabat II» – «Merw II» – 4:2
Eziz NURYÝEW,
sport synçysy.
«Türkmen sporty»
23.03.2024 ý.
