«Magtymguly – geçmişimiz, şu günümiz we geljegimizdir» atly ylmy-amaly maslahatyň açylyş dabarasy we bölümçeleri guramaçylykly geçirilip, “Magtymguly Pyragy” muzeýiniň mejlisler jaýynda bölümçeleriň işleriniň jemi jemlendi. Onda bölümçeleri alyp baranlar, ýagny Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň ylmy işgäri, Türkmenistanyň Prezidentiniň ýanyndaky döwlet gullugy akademiýasynyň diňleýjisi M.Meredow, Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň bölüm müdiri U.Kakaýewa hem-de Türkmenistanyň Maliýe we ykdysadyýet ministrliginiň Arkadag şäheriniň Maliýe we ykdysadyýet müdirliginiň Emläk gatnaşyklary, telekeçiligi goldamak we hususylaşdyrmak bölüminiň esasy hünärmeni P.Meretliýew dagylar öz bölümçeleriniň işiniň netijeleri boýunça çykyş etdiler.
Ylmy-amaly maslahatyň ahyrynda oňa gatnaşanlar milli mirasymyzy öwrenmekde, dünýä jemgyýetçiligine ýaýmakda, halkymyzyň asylly ýol-ýörelgelerini, edim-gylymlaryny ýaşlara miras galdyrmakda giň gerimli işleri durmuşa geçirýän hem-de Pyragynyň arzuwlan döwletiniň, ajaýyp zamanasynyň abraý-mertebesini tug deýin göterip, halkymyzy ýagty geljege sary ynamly öňe alyp barýan türkmen halkynyň Milli Lideri Gahryman Arkadagymyza hem-de hormatly Prezidentimiz Arkadagly Gahryman Serdarymyza tüýs ýürekden alkyş sözlerini beýan etdiler.
