Ýaşlary sporta çekmek, olaryň sport ussatlygyny ýüze çykarmak we höweslendirmek maksady bilen Türkmenistanyň Magtymguly adyndaky Ýaşlar guramasynyň Ahal welaýatynyň Kaka etrap Geňeşiniň, etrabyň bedenterbiýe we sport bölüminiň bilelikde guramaklarynda ýaş türgenleriň arasynda dürli derejeli sport ýaryşlary yzygiderli geçirilýär. Ýakynda etrabyň Duşak şäherçesindäki sport mekdebinde Magtymguly Pyragynyň doglan gününiň 300 ýyllygyna bagyşlanyp futbol boýunça geçirilen sport mekdebiniň birinjiligini almak ugrundaky ýaryş hem munuň subutnamasydyr.
Sport mekdebine gatnaýan ýaşlardan düzülen toparlaryň arasynda geçen ýaryş çekeleşikli duşuşyklara baý boldy. Ýaryşda sport mekdebiniň futbol boýunça tälimçisi Penamyrat Babajanowdan tälim alýan topar birinji, Orazmyrat Orazgeldiýewiň tälim berýän topary ikinji, Rejepgeldi Jumageldiýewiň şägirtleri üçünji orunlary eýeledi. Ýeňijiler guramaçylar tarapyndan dabaraly ýagdaýda sylaglandy.
Azat HALMYRADOW,
TMÝG-niň Ahal welaýatynyň Kaka etrap Geňeşiniň
Guramaçylyk bölüminiň sanly ulgam boýunça esasy hünärmeni.
