Ýaňy-ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşi, medeniýet we sungat işgärleriniň hem-de Magtymguly Pyragynyň şygryýet güni mynasybetli, Daşoguz welaýatynyň Taryhy we ülkäni öwreniş muzeýinde Ýaşlar guramasynyň ýerli Geňeşiniň işjeň agzalaryň gatnaşmaklarynda “Geçmişden geljege ýagty ýadygär – medeni mirasym dünýä ýaň salýar” atly şygar astynda gezelenç çäresini geçirdi. Gezelençde ýaşlar halkymyzyň ruhy-medeni gymmatlyklary, ata-babalarymyzyň bize goýan ylmy-edebi miraslary, geçmişde yz goýan beýik şahsyýetlerimiz, şöhratly taryhymyz, milli däp-dessurlarymyz we mirasymyz bilen bagly eksponatlar, fotosuratlar, maglumatlar, ýazgylar, arheologiki tapyndylar bilen giňişleýin tanyşdylar. Nesilden-nesle geçip gelýän milli kesp-kär, sungat eserleri, maddy we medeni gymmatlyklarymyz gezelenje gatnaşanlarda unudulmajak täsirleri galdyrdy.
Jennet GULMYRADOWA,
TMÝG-niň Daşoguz welaýatynyň
Daşoguz şäher Geňeşiniň esasy hünärmeni.
