Berkarar döwletiň täze eýýamynyň Galkynyşy döwründe ýurdumyzda amala aşyrylýan düýpli özgertmeler gönüdengöni ykdysadyýetiň ähli ugurlaryny gurşap alýar. Bu gün ylymbilimiň kömegi bilen awtomatik tilsimatlar, maksatnamalaýyn dolandyrylýan kuwwatlyklar, kompýuterleşdirilen enjamlar ynsanyň bähbidine gulluk edýär.
Bilşimiz ýaly, «Türkmenistanda 2019 – 2025nji ýyllarda sanly ykdysadyýeti ösdürmegiň Konsepsiýasyny» durmuşa geçirmek boýunça aýgytly başlangyçlara badalga berlip, häzirki wagta çenli netijeli işler alnyp baryldy. Bu işleriň netijesinde maglumat tehnologiýalarynyň we internetiň mümkinçilikleriniň giňden ulanylmagy bilen, sarp edijileriň wagtlary we serişdeleri tygşytlanylýar. Munuň özi, hyzmatlaryň tiz wagtda ýerine ýetirilýändigini, sanlylaşdyrylan tehnologiýalaryň döredýän amatlyklarynyň geriminiň giňeýändigini we geljekde hasda giňejekdigini ynamly aýtmaga esas döredýär. Ýurdumyzda sanly ulgamlaryň giňden ornaşdyrylýan döwründe olardan kämil baş çykarmak, dogry peýdalanmak ýaly işlere ýaşlary çekmek, olary höweslendirmek Türkmenistanyň Magtymguly adyndaky Ýaşlar guramasynyň esasy wezipeleriniň biri bolup durýar. Türkmenistanyň Magtymguly adyndaky Ýaşlar guramasy «Türkmenistanda 2019 – 2025nji ýyllarda sanly ykdysadyýeti ösdürmegiň Konsepsiýasyndan» ugur alyp, ýaşlary watançylyk ruhunda terbiýelemek işlerini sanly ulgamyň mümkinçiliklerinden peýdalanyp, hasda döwrebap ýerine ýetirmek maksady bilen, guramanyň elektron saýtyny kämilleşdirmek we mümkinçiliklerini hasda giňeltmek boýunça degişli işleri yzygiderli alyp barýar. Häzirki wagtda Guramanyň www.yashlar.gov.tm internet websaýtynyň döwrebaplaşdyrylan täze görnüşi hereket edýär.
Türkmenistanyň Magtymguly adyndaky Ýaşlar guramasynyň Merkezi Geňeşi tarapyndan döredilen www.yashlar.gov.tm internet websaýty «Baş sahypa», «Makalalar», «Medeni miras», «Sport», «Bilim», «Täzelikler», «Türkmenistan – ÝUNESKO», «Multimediýa», «TMÝGniň ýerli Geňeşleri», «Online kabulhana», «Habarlaşmak» bölümlerinden ybarat bolup, olarda hormatly Prezidentimiziň parasatly baştutanlygynda ýurdumyzda gazanylýan üstünlikler, ýaşlar syýasatyny dabaralandyrmak boýunça alnyp barylýan işler, ýaşlaryň hukuklarynyň we azatlyklarynyň üpjün edilmeginde hemde olaryň kämil şahsyýetler hökmünde kemala gelmeginde döwlet goldawyny kadalaşdyrýan kanunçylyk namalary, şeýlede Türkmenistanyň Magtymguly adyndaky Ýaşlar guramasynyň Merkezi, welaýat, şäher, etrap Geňeşleri tarapyndan guralýan medeniköpçülikleýin çäreler, wagyznesihat işleri, dürli bäsleşikler dogrusyndaky maglumatlar we mirasymyzdan söz açýan täsirli makalalar giňden şöhlelendirilip, işjeň täzelenip durulýar. 2024nji «Pähimpaýhas ummany Magtymguly Pyragy» ýyly mynasybetli, websaýta ýene bir täze bölümiň, ýagny Magtymguly Pyragynyň döredijiliginden giňişleýin söz açýan «Magtymguly Pyragy» bölüminiň goşulandygyny hem bellemek bolar.
Bulardan başgada, hormatly Prezidentimiziň «Ýaşlar — Watanyň daýanjy» atly ilkinji kitabyndan ruhlanyp, bu ajaýyp eserde aýratyn bölüm hökmünde ýerleşdirilen «Sanly dünýä: Ýaşlar. Ösüş. Geljek» atly bölümini wagyz etmek maksady bilen, Türkmenistanyň Magtymguly adyndaky Ýaşlar guramasynyň Merkezi Geňeşiniň sanly ulgam we maglumat howpsuzlygy bölüminiň guramagynda ýörite telegepleşik ýazgy edilýär. Sanly ulgamlaryň giň mümkinçiliklerinden, ýurdumyzda ýaşlar üçin döredilýän şertlerden söz açýan bu gepleşikde häzirki zaman ýaşlarynyň ösen tehnologiýalara erk etmek başarnyklary dogrusynda giňişleýin gürrüň edilýär.
Häzirki wagtda ýurdumyzda giň gerimli özgertmeleri durmuşa geçirmek üçin ýokary bilimli we medeniýetli, beden taýdan sagdyn, ruhy taýdan baý, täze tehnologiýalardan baş çykaryp bilýän kämil ýaşlary terbiýeläp ýetişdirmek, işine ussat hünärmenleri taýýarlamak üçin ähli zerur şertler döredilýär. Türkmenistanyň Magtymguly adyndaky Ýaşlar guramasynyň Merkezi Geňeşi, Aşgabat we Arkadag şäherleriniň Geňeşleri, welaýat we etrap Geňeşleri tarapyndan ýurdumyzyň dürli pudaklarynda zähmet çekýän ýaşlaryň, ýokary we orta hünär okuw mekdeplerinde bilim alýan talyplaryň hemde umumybilim berýän orta mekdepleriň mugallymlarynyň, ýokary synp mekdep okuwçylarynyň arasynda internet torunyň ösdürilmegi, sanly tehnologiýa ulgamyndan, innowasion serişdelerden peýdalanmagyň medeniýeti barada düşündiriş işleri alnyp barylýar, wagyznesihat duşuşyklary geçirilýär.
Goý, Berkarar döwletiň täze eýýamynyň Galkynyşy döwründe ýurdumyzyň ähli ugurlarda gülläp ösmegi ugrunda belent maksatly işleri durmuşa geçirýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, ilýurt bähbitli beýik işleri mundan beýläk hem rowaçlyklara beslensin!
Pirnazar REJEPOW,
Türkmenistanyň Magtymguly adyndaky
Ýaşlar guramasynyň Merkezi Geňeşiniň
esasy hünärmeni.
“Arkadagly Ýaşlar” atly elektron
žurnalynyň 6/2024 sany. Sah 26-27.
