Gitmiş bu başdan heser
Geýmiş toý donun Hazar
Jümle-jahana nazar
Aýlanym, Magtymguly!
Berip sözläniň häsin,
Tutmaň gam-gussaň ýasyn,
Hakyň kelamyllasyn,
Söýlänim, Magtymguly!
Kakyp ýürek taryny,
Wasp etmiş öz ýaryny,
Şygryň ýüpek ýoluny,
Saýlanym, Magtymguly!
Diýsem, geçmerin öte,
Wesýetsiň ynsanýete!
Oň bolmuş, şygryýete
seýranym, Magtymguly!
Bagtymyz gelip joşa,
Şükür bakýas bir Başa,
Täç etmiş seni başa
Eýýamym, Magtymguly!
Ogultäç ORAZTAGANOWA,
Şahyr.
