Keşbiň görner Köpetdagyň gerşinde,
Şygyrlaryň dutarlaryň kirşinde,
Adyň bardyr halkyň ýürek urşunda,
Söz ussady Magtymguly Pyragy.
Söz sandygyň yklym içre ýaýrandyr,
Niçe dilde owaz bolup saýrandyr,
Bu gün türkmen Seň toýuňa barýandyr,
Söz ussady Magtymguly Pyragy.
Ýüreklerimiz şygyrlaryň teşnesi,
Eserleriň many-mazmun çeşmesi,
Türkmenimiň şu güni hem geçmişi,
Söz ussady Magtymguly Pyragy.
Ömür kerwenini halka bagyşlan,
Berkararlyk ýolun sözden nagyşlan,
Ak arzuwlaň wysalyna gowuşýar,
Söz ussady Magtymguly Pyragy.
Batyrmuhammet ORAZOW,
Türkmenistanyň Daşary işler ministrliginiň
Halkara gatnaşyklary institutynyň talyby.
